Mar 16 – JIT SATAN UPORTE!

Mark 16:17-18 “Ami laga naam te tai khan ulai kene khedabo satan khan ke; tai khan kotha koribo notun basha logote; tai khan uthabo saap khan ke; aru judi tai khan iku biya khai loi, itu pora tai khan ke jokhom nakoribo”.

Purana niom laga din khan te, iku darj nai ghatna laga kunu pobitro manu Isor laga, ulai kene khedai thaka satan ke. Tai khan kitya bi adhikaar thakanai adesh diole: “polabi, satan” . Hoilebi ami khan pore jitya david loi ekta veena ke aru bojai, maujudgi Isor laga ahe utu jag ate, aru dukhdayak atma chari kene Saul  ke (1 Samuel 16:23).

Notun niom te hoilebi bishi baar amikhan dikhi pai jote Isor Jisu khara kore khilaf te satan laga – jun hi pralovankari ase aru adesh dishe: “polabi satan!” aru dava korishe jit ke. Tai khedai dishe moila atma iman ahram pora. Ekta maiki jun thakishe ekta atma moila laga atharo saal tok, aru uthibo parishe nijor pora hi. Aru jitya Isor Jisu bondh kori dishe utu atma ke, tai dhila thakishe tai laga gau laga vyabahar te aru tai ke sidha korishe. Tai ulai khedaishe behra aru gunga laga atma ke, atma juntu majboor kore ekta manu ke pani aru jui te jabole karone, aru sapha korishe jun dukh pai kusht rog pora.

Isor pora dishe apuni ke chuni loa aru adhikaar Tai laga kotha pora. “kilekoile Isor laga kotha jinda aru shaktishali, aru dhar ase dhui phine dhar thaka tarwal nishina juntu chenda kore bhitor ke bhag kora laga atma aru mon tok bi, aru ganthi aru majja, aru bujai diya bhabna khan aru icha khan mon laga” (Hebrews 4:12). Itu karone, lobi tarwal atma laga, juntu Kotha ase Isor laga.

Dusra, apunikhan cholabo lage naam ke Isor laga jit pabole nimite apuni laga porikhan khan te. Isor pora kosom dishe ki:”Ami laga naam te biswasi khan ulai kene khedabo satan khan ke” (Mark 16:17). Jitya david jaishe khilaf te utu philistine rakshas laga, tai koishe: “Apuni ahishe ami usorte ekta tarwal loi kene, ekta jathi loi kene. Hoilebi ami ahishe apuni usorte naam li kene duth khan laga Isor laga, Isor sipahi khan laga Israel laga, jun ke apuni moila korishe”(1 Samuel 17:45). David cholaishe naam ke Isor laga, ekta tagot hatyar nishina morai dibole dushman ke.

Khun Isor Jisu laga utu tagot hathyar ase satan ke jitibole. “aru tai khan jitishe tai ke khun pora momna laga aru kotha pora tai khan laga gawahi laga” (revelation 12:11). Isor Jisu dabai dishe matha ke satan laga, kun pora Tai laga theng laga. Pobitro kotha koi: “jiman bi bhag loishe bacha khan mangso aru khun te, Tai nijor hi bhag korishe itu nishina, ki mora te Tai pora khotom koribo tai ke jun logote ase shakti mora laga, juntu ase satan, aru charibo tai khan ke jun khan bhoi kore mora ke aru thakishe bandhi hoi kene jonom pora itu te” (Hebrews 2:14-15).

Isor laga bacha khan, bhoi nakoribi nahoilebi nakapibi judi iku atma laga hamla hoi apuni laga porivaar te. Samna koribi satan ke tagot naam pora Isor Jisu laga. Aru satan polai jabo. Isor kosom dishe ki: “iku hathyar bone khilaf te apuni laga nabarhibo” (Isaiah  54:17). “kilekoile tate iku jadu nai khilaf te Jacob laga, nahoilebi iku achurit nai Israel te” (numbers 23:23).

Aji dhyan koribole laga pobitro kotha tu hoile 1 John 3:8 “itu udesh nimite, Putro Isor laga dikhaishe, ki Tai pare khotom koribole kaam khan ke satan laga”.