Mar 05 – Jangarda Saring Daina!

“Seletten mandranji barubyung- seng saring GAMANGtungan ahiman, bar darungyungseng saring Anin a ganugun bantongteji; iten asan gamlenden  GAMANGtungan a tanongyim lingan anabhana radu yzryzr d’an ambrij, Anin harre yertai” (Jisaiya 59:19).

Kitungan kuddub ordaran gabdille bo bernan batte, uyungan, angajan do tuitujanji bo bernan batte Kitungan gabdille – Anin amben abmele Kitungdage abernan appaile. Adnadsamangbenpo Bibolan gamte: “Iten asan gamlenden uggaran a anabatengan saring a t’odan berten”. Kitungan amang saring barij asuyeman do tanimhiman daku anlen abmele.

A t’odan a bernan batte Kitungdage asanamangan hangtabe. Kitunglen Jisun gameten: “ettele t’od-Hen saring a dungten a berna-Hen dete. Kanate asanggen mangba-Hen daiyarre adyerai; bindo Hen itente itsumtai antate berna-Hen abojoraite. Bar itente a baran apsele antate Hen appaitai antate berna-Hen abojoraite? (Romi 8:35).

Anten asan amben, butente er t’ul-lingan dakuji do er samang-lingan dakuji (Jon 14:26). A d’onganji rabdute do absamangte a Kitungan. Angante Anin appaite a bernan, tette sagai orde tuya abernated – tuya orde sagai. Bogad mandran lanumud-lingan tana’aran appailenden, anin ayirben dete, attabdong, ogandile gijba yan aranadu do asayu beran. Kitungan a bernan ayirtaih abmele. Anlen birindalenji ampara baralenji do mandrengnalenji.

Abmele sidtin batte gadlamtabeji, orde phone batte. Bindo Kitungan mangbalen appaitai abernan. Do nami birindaling-len janang appaitai abernan do Kitungdage asanamangan tiyte. Koti-lingan ateng sagai daku ordardage. Kanina ate ordardage-lingan agasa. Abernan batte mandrengna pantai d’ong-lingan do er galam maranji a d’ong ganalaman tiyte. Kitungan a bernan appaile mandranji a d’ong absamangle.

Anin Kitungan amangba gijgijle do gamle: “E Gamang, Bindo mittam bernan batte opunga, etteden boanta-hen sanamangan hangte”. Roman Centurian Kitungan aranaptin batte sanamangan hangtaben gamle dirneten Kitungan abernan mandrengna tiyte do barij Janggardan daku. (Anabpunggi 2:7).

Do Kitunglen abernan-lingan. Iten asan gamlenden Kitungan tuya adakutenanted bindo manglinglen dakuten. Sanabyun batte jaba abernan. Itente pwrardanben ablute. Eteden amben Kitungdage aranaptin ahangte. Anin ardule maneng jordaban (Bitsara 14:6). Tanahimdam Kitungan a onagji. Kan ate amben apsele hanangan gamle ogandiba. Dile dinna, uggar-ling-ben gabrij’enaba. (2 Korintianji 3:17).

Okiy Kinolbe absele: “Iten asan gamlenden Kitungan banantong janggardan attiylalen. osantan ranapti, tanimyim do bangsa banuddidam janggardan tiyaiten” (2 Timotti 1:7).