Mar 03 – JIT ISOR LAGA KOTHA TE!

2 Corinthians 10:4 “kilekoile hathyar khan ami khan laga lorai te gau laga nahoi hoilebi tagot Prabhu te niche tani bole tan thaka khan ke”.

Kunuba manu khan koi Bible ke Kitab lorai khan laga; hoilebi ami bhabna kore itu ke ekta hath laga kitab juntu diye jit – jote ami khan shikhe chabi itu laga. Nirmaan kora laga homoi pora, ekta manu ke dishe sob juntu tai lage pabole jit ke aru adhikaar pura prithibi te. Isor adesh dishe poila ma baba ke itu prithibi laga thakibole adhikaar pura prithibi te aru pura berai thaka jontu uporte itu prthibi laga (Genesis 1:26).

Isor nijor hi loi jaishe lorai khan Tai laga pondit khan laga, khkilaf te sob khan laga jun ahishe tai laga khilaf te; aru dishe tai khan ke jit. Aru manu khan Isor laga jitya ke ghosna korishe koi kene: “lorai ase Isor laga, aru satan harishe. Jit ami khan laga ase; dhonyabaad ase Isor ke jun dishe jit ami khan ke”.

Jitya Isor gherau korishe manu khan ke bishi hathyar pora lorai laga, Tai salha dishe tai khan ke koi : “loi lobi tarwal atma laga, juntu ase kotha Isor laga” (Ephesians 6:17). “kotha khan juntu ami koi apuni ke ase atma aru tia khan ase jibon” (John 6:63). Itu ase dui-phine dhar thaka tarwal aru satan kitya bi khara koribo napare itu laga khilaf te.

Ekta naam ami khan Isor Jisu laga ase: “Kotha”. Pobitro kotha te koi: “surute thakishe Kotha, aru Kotha thakishe Isor logote aru Kotha hi thakishe Isor. Tai thakishe Prabhu logote” (John 1:1-2). “ualaishe Tai laga mukh pora bahar ekta dui phene dhar thaka tarwal, aru Tai laga chehra thakishe ekta suraj jiliki thaka nishina tai laga tagot te” (Revelation 1:16).. bible ase darj Isor kotha laga. Aru itu ke dishe apuni ke Pobitro Atma pora.

Alag alag kisim thakile bi Isor laga hathyar khan lorai te satan laga khilaf te, itu khali kotha pora hi  thakishe ki Tai jitishe uporte Satan laga sob porikha te. Satan cholabole kuchis korishe kotha khn ke Isor laga, hoilebi kotha juntu ulai mukh pora Jisu laga haraishe satan ke. Isor koishe loi kene Prabhu laga kotha ke, : “itu likhi kene ase”, aru inika hi haraishe satna ke.

Pobitro kotha te koi: “kilekoile kotha Prabhu laga ase jiyai thaka aru shaktishali, aru dhar iku dui phine laga tarwal pora bi, chenda kori kene ekta mon aru atma ke bi, aru haddi khan bi aru bujai diya laga ase bhabna aru icha khan mon laga” (Hebrews 4:12). “ itu Ami laga kotha nahoi jinika ekta jui?” koi Prabhu, aru ekta martol nishina juntu bhangai pathor ke tukra te?” (Jeremiah 23:29). Isor laga bacha khan, dhuri thakibi jibon laga kotha ke aru jilikibi ekta saki nishina prithibi te (Philippians 2:15-16).

Aji dhyan koribole laga pobitro kotha tu hoile 1 Peter 5:8 “thakibi shanty aru hoshiyar; kilekoile apuni lga dushman satan berai ekta gurai thaka hingo nishina, bisari kene tai ke junke tai khabo paribo”.