Mar 01 – LAN NGAMBA HAIBASI EIKHOIGI HAKNI !

“Maramdi Iswardagi poklaba mi khudingna taibangpanbu ngammi, taibangpanbu ngamba mangam adu asini, haibadi eikhoigi thajabani.” (1 John 5:4)

Nahakna lan ngamba ama oinaba poklabani. Nahakna pokpa mikuptudagi houna nahak Lan ngamba Christa gi imungda tinkhrabani. Nahakna awang thakki oiba swargagi maphamgi damakta koubirabani. Nahakna lan ngamba ama oiduna swargagi phamba  phangba haibasi Iswargi pandam amadi apambani. Aduga Mahakna nahakpu khudi thibadagi ngakthokpigani aduga nahakpu matik mangal leiraba phambal aduda phamhangani

Nahakna ningba adudagi henna Prabhuna nahakpu lan  ngamba oihannaba pukning changli. Jesuna taibangpanbu ngamba matamda mahakna swargagi phambal phangba khaktada penba touramde adubu Mahakna nahakki damakta swargagi phambal adu thourang toubire. Sastrana hairik, { ngamlakpa mahak adubu eina eiga loinana eigi phambanda phamhangani. Masi einasu ngamduna eigi Ipaga loinana mahakki phambanda phamminnakhiba adugumbani.” (Revelation 3:21).

Football heiba nipa amasina final match sannarammi aduga mapasu mahakki sannaba yengnaba leirammi. Mahakna machanipa gi sannaba adu yengduna kanna laoduna machanipa adugi teamda thougatpa tourammi. Maduga loinana mahakna kaobagi maong ball pass toubagi khudam su tourammi. Mahakna asuk yaman thougatpirabaphao su mahakki machanipa gi teamna maithire.

Mahakki machanipa aduna maithiba adugi maramna ikajakhiduna yumgi maning thongdagi changlaga tumthokkhirammi. Adubu mapa adubu tumba ngamlamde aduga mahakna potthapham khanglamde aduga numit adugi sannaba adu ngamba yabani haina murum murum sollammi. Machanipa aduna tumthoklabasu mapanadi tumba ngamde aduga madugi maithiba adugi damakta yaman thamoi soktuna khangba ngamlamd. Madu mapa amagi thamoini.!

Nahakna taibangpan asida karamna hingbage haibasi swargagi Ipa Iswar amadi dutsingna yengduna leiribani. Mi khudingmakna maithiba amadi maipakpa leigani haina nasana nasabu themjinduna nahakki maithiba adu iyang yangna louba su yai. Adubu swargagi Napa Iswarna nahakki maithiba adu khangba ngamdabani, aduga nahakki maithiba khudingmaktu maipakpa lomda ongthokpa pambani.

Upanbi amana turiba mapham aduda adum leihoubasu yai. Adubu Iswargi machasingna maithiduna adum leihougadaba nate. Makhoina maithiriba maram adu thidokkadabani, aduga nahakna hougattuna Iswargi matengga loinana lan  ngamgadabani.

“achumba, nollukpa amasung dharmachenbagi maramna nahakki chinglembada chaokhatpiyu, nahakki khut yenta nangonda angakpa hiramsing tambigani.” (Psalm 45:4)