Mar 01 – JIT ASE AMIKHAN LAGA JONOMADHIKAAR!

1 John 5:4 “kilkoile ji jonom loile bi Isor pora jitibo prithibi ke.  Aru itu ase jit juntu jitishe prithi ke – ami khan laga biswas te”.

Apuni jonom hoishe jitibole. Juntu homoi apuni jonom loi duibaar, apuni bone ekta bhag amikhan porivaar jita laga Krista laga. Apuni ke matishe uncha podh te swarg laga rajyo te. Icha aru uddesh amikhan Isor laga, ki apuni jitibo aru lobo swarg laga rajyo. Aru Tai pora rakhibo apuni ke giribole pora, aru dibo apuni ke galti nathaka aru rakhibo apuni ke mahima janak rajyo ke.

Isor tu utsuk ase thik koribole dangor jit te apuni karone, apuni bhabna kora pora bi ki akha kore. Jitya Isor Jisu jitishe prithibi ke, Tai santusht huanai khali lobule swarg rajyo ke nijor karone; hoilebi Tai rakhi ase ekta jaga apuni karone Tai laga kinarte eki rajyo te. Pobitro kotha te koi: “Tai ke jun jite Ami dibo bohibole Ami logote Ami laga rajyo te,kilekoile Ami bi jitishe aru bohishe Ami laga Baba logote Tai laga rajyo te.” (Revelation 3:21).

Jitya ekta bhal football khiladi  khelishe tai laga final match, tai laga baba bi gallery te thakishe, sabole utu khel ke. Tai pura mon di kene thakishe utu match te aru dishe dangor awaz utsah laga tai laga lora laga team karone. Najani kene tai kick mari thaka aru ball ke pass kora laga hiljul bi kori thakishe. Tai iman  utsah di thakilebi, tai laga lora laga team tu hari jai.

Tai laga lora bishi sorom lage hari ja nimite, ki tai ghushishe ghorte piche laga dorwaja pora aru ghumabole jai loi. Hoilebi tai laga baba, ghumabo napare aru iman utsuk hoi kene thake pura rati bi aru bhabna kori koi thake inika marile bhal asile koi kene. Jitya tai laga lora ghumai thake, tai laga baba mon dukh hoi thakishe aru itu haar ke lobule paranai. Utu ase mon ekta baba laga.

Pura swarg aru pura duth khan, aru ami khan laga morom Baba khan sai ase ki kinika apuni loi jai ase apuni laga jibon ke itu prithibi te. Apuni nijor laga haar ke asani loi thakibo pare nijor ke koi kene, ki sob manu thakibo nijor bhag laga jit ke hi. Hoilebi apuni laga swarg Baba napare apuni laga haar ke lobule; aru Tai bhorta ase icha pora bonabole apuni laga  sob haar ke jit te.

Ekta gash thake iki jaga te jote girishe. Hoilebi Isor laga bacha khan, kitya bi haar te lagi thakibo nalage. Tai khan bisari ulabo lage karan khan tai khan laga haar ke, uthibo lage arubi aru mangibo lage jit ke Isor laga modot te.

Aji dhyan koribole laga pobitro kotha tu hoile Psalm 45:4 “aru Apuni laga rajakia safar unnati te bone hosa, nomro, aru dharmik; aru Apuni  laga dahina hath te shikhai Apuni ke bhal saman khan ke.”