Feb 26 – ALOKIT SUKU BUJA LAGA!

Ephesians 1:17-18 “utu Prabhu ami khan Isor Jisu Krista laga, Baba mahima laga, alokit koribo suku te apuni buja laga”.

Itu ase prathana Chela Paul laga khali Ephesus laga girja ke nahoi, hoilebi ami khan ejon ejon ke ase. Tai prathana kore suku ami khan laga buja laga alokit hobole.

Ami khan gau laga suku ase aru atma laga bi. Psalms likha pora prathana kore khulibole atma laga suku ke ki tai janibole rahasya khan Isor kotha laga; buji bole achurit dikhai diya khan ke. Tate ekta uphar bi ase nahoilebi suku juntu bujibo pare atma khan ke. Tate suku ase juntu sai prithibi te aru prithibi laga drishti ke.

Alokit suku logote buja laga, ami khan jjane tinta zaroori swarg laga achurit ke. Poila, apuni khan bujibo lage akha ke Isor mata laga apuni jibon te. Dusra tu hoile, apuni khan buje dhon ke mahima laga Tai diya te pondit khan ke. Aru tisra, barhi thaka dangor pora Tai laga shakti ke ami khan phine jun biswas kore. Paul prathana kore alokit koribole apuni laga atmakarik suku ke, ki apuni buji bole itu dnagor saman khan ke

Jitya Isor lok kore Saul  ke, dangor puhor te, tai sabole napare utu mahima ke, aru tai laga gau laga suku kana hoi jai. Hoilebi jitya tai icha kore janibole bishi Isor laga, Isor khule aru alokhit kore suku ke tai buja laga,a ru dikhai bishi saman khan ke tai ke. Aru itu hi ase kinika Saul  bodli hoi Paul te

Itu pabole bishi dikhi pabole rahasya khan ke Prabhu laga, paul jai Arabia te aru thake tate tin saal nimite. Aru utu mahima janak dikhai diya pora hi, tai uthia diye Girja ke, koi kene tai laga buja ke.

Udharan hisab te, judi apuni pai nimantran apuni laga usor sathi pora tai laga ghor laga samarpan kora din te, tai akha kore apuni utu homoi te maujud thakibole, aru sonman koribole apuni laga maujudgi pora. Hoilebi judi aru dusra sathi apuni ke hude kotha khan utu homoi laga, apuni yaad nathakibo pare mon pora, hoilebi apuni  sabo pare utu nimantran patra te tai ke najanai diya agote. Judi bi utu sob jankari khan ase nimantran patra te, itu nathake apuni laga dimag te, judi apuni thik pora porishe koile hi.

Isor laga bacha khan, itu nishina hi, hosa khan pobitro kotha laga dikhai dibo apuni ke, khali jitya apuni porhe itu ke pura dhyan di kene. Tini hoile hi apuni buje gehrai ke Isor morom laga aru tai laga hodai din laga uddesh te juntu Tai ase apuni karone. aru ekbar apuni bujishe koile utu  ke, tate iku himina nathakibo anondo laga juntu apuni anubhav kore.

Aji dhyan koribole laga pobitro ktoha tu hoile Ezra 9:8 “aru itya olop deri anugrah dikhaishe ami khan Isor, ami khan Prabhu pora.. ki ami khan Prabhu ppora alokhit koribo ami khan laga suku ke aru dibo ami khan ke naam aru ekbar uthiya laga ami khan laga bhar pora.”