Feb 27 – UJJWALTA KOINA LAGA!

Revelation 19:8 “aru taike itu dishe lagabole mihin kapra, sapha aru ujjal, kilekoile mihin kapra ase dharmik kaam pondit khan laga”.

Tate ekta dangor ujjwal ase swarg te, kilekoile itu ase mati mahima aru vaivhavya laga. Ujjwalta Tai laga chehra ase puhor swarg laga. Tai laga mahima pora, tate ujjwalta ase sob te. Jitya inika ase mamla, kiman ujjwal hobo lage Koina jun thakibo tate hodai din karone?

Jitya ekta manu bache tai laga paap khan pora, tai laga atma tu pindhe kapra mukti laga Isor pora (Isaiah 61:10). Jitya tai shuru kore anondo hobole seva kora te Isor laga, tai ke diye kapra seva laga. Aru jitya tai diye nijor ke loi jabole ekta pobitro jibon te, Isor kapra lagai diye tai ke boga kapra pora.

Jitya ekta manu icha kore thik thakibole Krista Jisu nishina, Isor diye taike mihin kapra, sapha aru ujjwal. Utu mihin kapra ase dharmik kaa, pondit khan laga.

Pobitro kotha te koi: “aru modir laga bahar te ahishe sata duth,…kapra lagai kene sapha ujjwal aru thaki kene tai khan laga chati te sona pora bandha” (Revelation 15:6).  Nadi jibon laga pani diya laga swarg te, sapha thakishe sphotik, rajyo pora ulai kene Isor laga aru memna laga (revelation 22:1). Kapra khan swarg laga iman ujjal ase, kilekoile ujjwalta pora Isor laga.

Isor Jisu ase ujjal phujir laga tara (Revelation 22:16). Itu karone, sob juntu ahe mili bole Isor logote hobo ujjwal. Jitya apuni gehra mila laga homoi thake Isor logote prathana laga homoi te, Tai pora bonabo apuni ke jiliki bole ujjal pora. Apuni laga prathana jibon bonabo apuni ke jilikibole iman ujjal pora.

Ekbar ekta bura manu 75 umar nishina laga, ahishe ekdom tayar hoi kene sman khan logote. Tai lagaishe jiliki thaka chain gola te; bracelet hath te; aru hira laga anguthi khan anguli te. Ekta biswasi girja laga saishe taike aru  hudishe: “ki apuni tayar kori ase na nai nijor ke swarg rajyo karone. Toh ki ase apuni laga sthithi bhitor laga sundarta laga? Ki itu jiliki asse na andhera te hi ase?” utu bura manu gussa hoi jaishe itu huni kene, aru tai chillabole shuru hoishe: “ami nomoribo joldi jinika apuni bhabna kori ase”, aru tai taratari te utu jaga chari kene jaishe. Olop din pichete, utu biswasi jani paishe utu bura manu mora laga achanak te. Kiman biya hoishe utu paristhithi?

Dangor ujjwalta ahe khali bhitor laga pobitro ta pora. Isor laga bacha khan, thakibi gehra icha ppobitrota karone Isor jisu Krista nimite.a ru apuni laga jibon jiliki bo iman ujjwalta pora.

A jia dhyan koribole laga pobitro kotha tu hoile Psalm 45:13 “rajghor laga suwali ase mahimajanak rajyo bhitorte; tai laga kapra ke bonai sona pora”.