Feb 23 – JILIKI THAKA GYAN PORA!

Ecclesiastes 8:1 “kun ase ekta gyani manu? Aru kun jane motlob ke bujabole ekta saman laga? Ekta manu laga gyan bonai tai laga chehra ke jiliki bole”.

Itu zaroori ase ki apuni thakibole swarg laga gyan ke uthibole nimite aru jilikibole Isor karone. Apuni thakibo lage chuni loa gyan te. Apuni pabo swarg laga gyann ke charta kisim pora.

Poila, pobitro kotha te koi, suru gyan laga ase bhoi kora Isor te. Dusra Isor dishe gyan tai khan ke jun mange Tai ke. Tai dishe gyan Solomon ke jun mangishe itu Tai pora. Pobitro kotha te koi: “judi kunuba komi ase gyan te, mangibole dibi tai ke Isor pora, jun diye sob ke muft te aru dusra bhabna nathaki kene, aru itu tai ke dibo” (James 1:5). Tisra, apuni pabo gyan ke Isor laga kotha pora. Pobitro kotha te koi: “gawahi isor laga ase, bonai gyani sadharan ke” (Psalm 19:7). Aru chautha tu hoile, Atma Isor laga diye apuni ke gyan itu uphar pora Atma laga” (1 Corinthians 12:8).

Pobitro kotha bandhe itu kea tit logote bishi sevak laga jibon te Isor laga, jun khan gani thakishe, jun korishe dangor saman khan Isor karone aru jun uthishe aru jilikishe Isor karone. Aru bishi kimti sabak khan ase juntu pora apuni shikhibo pare utu atit khan pora. Utu homoi te, tate bishi dukh laga kotha bi koi kene ase jun khan bujhai dishe tai khan laga jui ke. Aru itu likhi ken ease ekta chetavni hisab te apuni karone, apuni ke paap pora dur rakhibole.

Apuni uthibo pare aru jiliki bo pare Isor nimite khali hisab te icha aru uddesh te Isor laga. Isor Moses ke ekta dhip bonabo dile bi Tai nimite, Moses titya bi lagi thakishe ekta swarg laga laga gyan ke itu ke uthai dibole. Apuni bonabo naparibo dhip ke Isor laga ekta samanya hisab te, apuni laga budhi logote. Khali judi itu ke bonai thik line te thik icha logote Isor laga, Tai laga swarg laga gyan te, tini hoile hi itu bhorta hobo mahima pora aru shan pora Isor laga.

Itu kilekoile komi gyan laga hi ase ki  bishi manu khan uthbo napare aru jiliki bo napare Isor karone; aru tai khan phashi kene thake jhamela khan te. Bishi ase, jun khan nabuje jaal ke, aru beya khan te tai khan laga rasta te, aru itu te phasi kene thake nabuja khan nishina aru thake bishi samasaya khan te. Judi tai khali mangishe koile Pobitro Atma ke modot koribole tai khan ke aru thik thakibole line te swarg laga gyan logote, tai khan ahram pora hi paar koribole paribo thakishe utu samasya khan pora.

Utu din khan te bi jitya poila girja ke khara kurishe, bishi samasya khan ashishe alag alag phine pora. Tate khara hoishe ekta shikayat thakishe ki vidvaah khan ke dhyan diyanai hodai din laga khana bhag kora te(Acts 6:1). Hoilebi chela khan loishe ekta budhi laga faisla ke bhorta hoi kene Pobitro Atma te, aru itu samasya acbhurit pora hal hoishe.

Isor laga bacha khan, pabi atmakarik uphar ke gyan laga, hal koribi itu samasya khan ke, toh apuni khara koribo paribo aru jilikibo paribo Isor te. Aru tate thakibo shanty apuni laga porivaar te.

Aji dhyan koribole laga pobitro kotha tu hoile Job 29:3 “jitya Tai laga dip jiliki she ami laga math ate, aru jitya Tai laga puhor pora ami beraishe andhera te.”