Feb 22 – JILIKI THAKA PRASHANSHA PORA!

2 Chronicles 5:13 “hosabi, itu paar hoishe, jitya pepa bajadiya khan aru gana kora khan thakishe ekta nishina, bonabole utu awaz ke huna laga prashansha aru dhanyabaad koribole Isor ke, aru jitya tai khan uthaishe tai khan laga awaz ke pepa aru jhanjh aru bajna khan dhun laga, aru prashansha korishe Isor ke koi kene: “kilekoile Tai bhal ase, kilekoile Tai laga daya hodai din karone ase,” utu ghor, ghor thakise Isor laga, bhorta hoi kene badal logote.”

Judi ekjon manu uthe aru jilike Isor karone, tinihoile tai uttam hobo lage seva kora te. Jitya apuni seva kore inika aru sonman kore Isor ke, Isor jun thake majete prashansha laga, bhorta koribo apuni ke Tai laga mahima logote aru modot koribo apuni ke uthibole aru jiliki bole Tai karone.

Itu icha aru akha Isor laga apuni karone ase prashansha koribole aru seva koribole Tai ke. Tai laga akha itu podh te ami khan dikhibole pare: “Itu mnau khan Ami bonaishe Nijor nimite; tai khan ghoshna koribo Ami laga prashansha ke” (Isaiah 43:21).

Apuni khan prashansha koribo lage Tai ke jitya apuni yate ase itu prithibi te aru apuni khan lagatar prashansha koribo lage aru seva koribo lage Tai ke swarg te. Judi apuni seva kore Isor ke biswasi khan logote prithibi te, apuni prashansha koribo aru seva koribo swarg te Tai ke dhuri kene hath khan swarg duth khan laga Isor laga aru sobse dangor duth(Cherubim) logote.

Apuni laga prashansha aru seva, ghulai apuni laga chuniloa ke. Itu karone Isor diye amikhan ekta kosom nishina aru koi: “kilekoile thakibi, andhera dahakai dibo prithibi ke, aru gehra andhera koribo manu khan ke; hoilebi Isor uthibo apuni uporte,a ru Tai laga mahima dikhibo apuni ke” (Isaiah 60:2). Tai  laga epistle Timothy ke, Paul koi: “itu karone, ami yaad dilai ase apuni ke ghulabole uphar ke Isor laga juntu apuni te ase ami laga hath apuni uporte rakhi diya pora”.(2 timothy 1:6).

Jitya apuni hawa diye jinda koila ke ekta chunga pora, jui tate dhure aru itu jolibole shuru hoi. Itu nishina hi, prashansha aru seva pora ghulabo jui ke Pobitro Atma laga juntu apuni te ase.

Dibi dhanyabad Isor ke sob bhal nimite juntu apuni paishe Tai pora apuni laga kom umor homoi pora.

Gana kori thakibi prashansha laga hodai din apuni laga jibon laga. Jitya apuni prashansha kore atma te aru hosa te, utu pora anibo maujudgi Isor laga apuni te,a ru modot koribo apuni ke uthibole aru jiliki bole Isor nimite. Apuni laga chuniloa uthi thakibo lage  hodai din Isor naha tok. Jui Pobitro Atma laga ase apuni te aru mahima isor laga barhi thakibo lage.

*Itu karone “juli thakibi atma te, seva kori kene Isor ke” (Romans 12:11).prashansha aru seva apuni laga niji jibon te zaroori ase, judi apuni uthibo lage aru jilikibo lage Isor nimite. Ami khan dikhe girja khan te, ki khali dhyan kori kene prashansha aru seva te hi uthi ase aru barhi ase niom te.

Amikhan itu dikhe se laga homoi te bi ki bishi Isor laga bacha khan uthi ase  jiliki ase Isor nimite, tai khan laga prashansha aru seva te. Isor laga bacha khan, apuni khan uthibo lage aru  jilikibo lage Isor nimite.*

Aji dhyan koribole laga pobitro kotha tu hoile Psalm 119:135 “bonabi Apuni laga chehra ke jilikibole Apuni laga sevak te, aru shikhabi ami ke Apuni laga niom khan ke”.