Feb 18 – GYAN JUNTU KHUSHI KORE ISOR KE!

Proverbs 4:5-6 “pabi gyan! Pabi buja la! Napahoribi, nahoilebi naghribi dur itu kotha khan pra ami mukh laga. Nacharibi tai ke, aru tai pora apuni ke bachai thaki bo; morom koribi, aru tai rakhi thakibo apuni ke”.

Tai laga jawan homoi pora, mon ekta gyan thaka raja Solomon laga thakishe thik Isor logte. Tai bishi icha korishe khushi koribole Isor ke. Tai itu bujibo parishe ki judi tai ekta mondir ke bonabo Isor nimite, Isor thakibo tate aru ki Isor khushi hobo tate. Tai koishe: “aru mondir juntu ami bonaishe hobo dangor, kilekoile ami khan laga Isor dangor ase sob isor khan pora”. aru tai ekta mahima janak mondir bonaishe Isor nimite.

Uru homo te mondir ke samarpit kora laga, Solomon dishe daan hazar khan ke, khushi koribole Isor ke. Isor bi bishi khushi hoishe Solomon logote. Toh, mahimajanak maujudgi Isor laga ahishe utu mondit te aru mahima Isor lagabhorta hoishe mondirte. Tai itu bi kosom dishe ki Tai laga suku khula thakibo aru Tai laga kaam hunibo sob prathana khan ke utu mondirte

Itu kilekoile Solomon  laga mon bandhi kene thakishe mon logote Isor laga, taike khushi koribole, Isor dishe tai ke angina gyan, budhi aru buja hokti. Tai  gyan thakishe jinika kun logote bi thakanai jun khan tai laga agote thakishe, pura prithibi te. Aru itu logote Isor diya gyan logote, tai likhishe bishi kitab pobitro kotha te jinika Proverbs, Ecclesiastes, song of Solomon. Utu kitab khan pora, tai dikhaishe bishi rahasya khan aru chabi loi jabole jibon ke jinika khushi kore Isor ke. Ahibi ami khan khata ppora sabo utu kimti sabak khan ke khushi koribole laga Isor ke:

1. “”beimaan ujan Isor karone ghin laga ase, hoilebi nyay te thaka Tai ke khushi kore. (Proverbs 11:1). Ami khan dikhe vyapari khan milawat kore saman khan te, ujan kora te, aru uthai diye daam ke bi bishi labh pabole nimite. Hoilebi Isor khushi hobo tai khan logote khali jun khan kori ase nyay te kaam aru vyapaar khan ke cholai kene nyay ujan.
2. “misa koa uth khan ghin lage Isor karone, hoilebi jun khan hosa ke koi ase Tai laga khushi” (Proverbs 12:22). Ami khan pore revelation laga kitab te: “sob misa koa khan jiyabo tai khan laga bhag utu nadi te jote jole jui aru tezab”. Hoilebi Isor khushi kore tai khan te jun khan hosa te thake.
3. “daan biya manu khan laga ase Isor ke ghin laga, hoilebi prathana thik khan laga ase Tai laga khushi” (Proverbs 15:8) Isor laga bcah khan, dibi nijor ke ekta jinda daan hisab te ekta bhanga mon loi kene aru thik atma logote,a ru prathna koribi.a ru Isor khushi koribo apuni te.

Aji dhyan koribole laga pobitro kotha tu hoileProverbs 16:13 “dharmik uth khan ase khushi raja karone,a ru tai khan morom kore taike jun koi ji thik ase.”