Feb 17 – SEVA KORA JUNTU KHUSHI KORE ISOR KE!

Romans 14:17-18 “kilekoile rajyo isor laga ase khabole karone nahoi, hoilebi dharmikta aru shanty aru anondo Pobitro Atma te thakibole. Kilekoile tai jun seva kore Krista ke itu saman khan ke ase manjuri Isor ke aru manu agete bi”.

Pobitro kotha te likhi ken ease: “kilekoile tai jun seva kore Isor ke mana laga ase Isor ke”. Isor hodai hi khushi ase tai logote jun seva kore Tai ke. Aru itu padh te dikhai khas dhyan diya laga ‘seva kora  te Krista ke itu saman khan te’. Aru itu motlob ase ki tai jun seva kore anondo pora Pobitro Atma laga ase manjuri te aru khushi kora Isor ke.

Mantralay te jugdan diya tu pura homoi aru olop homoi hobo pare. Seva kora tug au pora nahoilebi atma pora bi hobo pare. Itu mantralay hobo pare kora laga Isor laga samachar ke nahoile mantralaya prathana kora laga. Ki hoilebi apuni laga mantralay tu, Isor mon di kene sai apuni laga sthar ke kotha diya laga juntu loi kene apuni kaam kore. Khali utu juntu kore anondo te Pobitro Atma laga ane khushi aru ase manjuri Isor ke. Aru nahoi mantralay khan juntu ase aru kore ekta majburi te nahoilebi gussa te. Jitya apuni kore mantralay kaam ke pura apuni laga mon di kene, anondo logote aru khushi  thaki kene, apuni katibo bhal phal ke.

Jitya ekta mnau koribole icha thake mantralay kaam ke, itu bishi zaroori ase ki tai thakibo lage anubhav khan bachi ja laga, Krista laga khun pora. Pobitro kotha te koi: “kiman bishi khun Krista laga, jun Tai laga hodai din laga Atma pora dishe Nijor ke dagi ekta nathaki kene isor ke, sapha koribole apuni laga dhyan itu mora laga kaam khan pora aru seva koribole jinda Isor ke?” (Hebrews 9:14).

Sabi Paul aru Silas ke! Tai khan kori thakishe Isor laga mantralay ke ekta khushi mon  pora. Ekbar jitya tai khan mantralay kaam kori thakishe nagar te Philippi laga, tai khan ke bandhi bonaishe,aru anishe nyayadishe usor te, marishe rod khan pora aru phelai dishe bhitor laga kalkottri te, aru tai khan laga theng ke bandhi dishe. Itu khan iman porikha thakile bi, tai khan laga mon bhorta thakishe anondo logote Pobitro Atma laga. “aru adha rati te Paul aru Silas  khan prathana kori thakishe gana gai kene mahima laga Isor ke, aru kedi khan huni thakishe tai khan ke” (Acts 16:25). Jun bi mantralay kaam tea he iku anubhav nathaki kene bachi ja laga naoilebi anondo Pobitro Atma laga, tai khan nathakiboo bishi phal tai laga mantralay te aru tai asani pora bhagor lagi jabo.

Isor bishi  kkhushi hoishe tyag kora mantralay kaam pora Paul aru Silas laga, aru bhal paishe tai khan ke. Achanak tate ekta dangor bhukamph aahishe, ki sob jor khan hilijaishe kalkotri laga; aru loge loge sob dorwaja khan khuli jaishe aru sob laga shikli khan khulijiashe. Chaukidar kalkotri laga aru tai laga pura porivaar khan bachaishe aru baptisma loishe. Itu ghatna khan loi jaishe tai khan ke punar uddhar te pura jagate. Isor laga bcah khan, kuchis koribi chalabole sob upalbdho thaka avsarkhan ke pura himina tok aru seva koribi Isor ke khushi pora.

Aji bhabna koribole laga pobitro kotha tu hoile John 12:26 “judi kunuba Ami ke seva kore, Ami laga piche ahibo dibi tai ke; aru jote Ami ase, tate Amilaga naukar bi thakibo. Judi kunuba seva kore Ami ke, tai ke Amilaga Baba koribo sonman”.