Feb 16 – DIYA LAGA PONDIT KHAN KE JUNTU KHUSHI KORE ISOR KE!

Psalm 16:3 “aru utu pondit khan pora jun khan ase prithibi te, “Tai khan ase uttam khan, juntu ase sob ami laga khushi”.

Jitya ami khan khushi kore Isor te, ami khan bonai dangor morom naukar khan ke aru pondit khan te Isor laga, ami khan nijor najani kene bi. Ami khan dikhai morom tai khan ke, jinika duth khan Isor laga. Ami khan diye pura mon pora daan ke Isor laga mantralay nimite. Aru Isor bishi khushi ase. Isor koi: “hosa bi, Ami koi apuni ke, kiman bi apuni korishe ekjon ke hoilebi sobse komi khan majote Ami laga bhai, apuni korishe Ami karone”.

Sabi raja David ke! Sob juntu tai paishe Isor pora, tai di dishe naukar khan ke Isor laga aru ualai khushi itu pora hi. David kitya bi pahoranai Isor ke jun bhabna korishe tai ke nomrota te. Tai saishe Isor ke dhnayabad di kene morom aru anugrah Isor laga, taike uthai diya nimite ekta charwaha lora pora ekta raja te pura Israel laga. Tai bishi dhanyabd mon loi kene koi: “ami lobo cup ke mukti laga,a ru mate naam ke Isor laga”. Tai saishe tai laga dhon khan te bi aru koishe: “ami dibo itu khan ke pura pondit khan ke, kilekoile tai khan uttam ase, junte ami khushi kore”.

Isor laga bacha khan, hobole dibi apuni laga dhon aru sampati labdaik hobole mantralay khan te Isor laga. Dibi khuli kene apuni laga dhon pora tai khan ke jun khan loi jaishe apuni ke mukti laga rasta te, tai khan ke jun khan prathana kore apuni nimite hosa te: tai khan ke jun khan dikhai apuni ke tai khan laga salha pora, aru jun khan bujai Isor laga kotha ke aru tagot kore apuni ke Isor te. Dibi khushi hoi kene utu matralay khan te, evangelist khan ke aru missionaries khan ke jun kaam kore narukhi kene bacha bole apuni laga atma ke shakti khan pora narak laga. Dibi sahara aru utsah koribi naukar khan ke Isor laga.

Utu din te, Moses  khara korishe rasta te Rephidim laga, tai laga hath khan ke uthai kene, Israel laga bacha khan karone. Ek homoi paar kori kene , tai hoi jai bhagor aru tai laga hath bi bikhai, aru jitya bi niche kore tai laga hath khan ke, amalek bhari  hoi Israelites khan uporte. Aru jitya tai hath ke uthai, Israelites  khan bhari hoi amalek khan te.

Kiman zaroori ase itu apunikarone, shara dibole utu mantralay khan te jun khan prathana kore apuni khan karo ne? ki tai khan prathana nakore apuni karone ekta bhar loi kene mon te? Ki tai khan anurodh nakore  jitya apuni jai bishi porikha aru dukh thaka homoi te apuni laga jibon te? Itu kilekoile tai khan laga hosa prathana pora, ki apuni ase mati te jiyai thaka laga; aru ashirbaad ase  Isor pora aru uthi kene ase apuni laga jibon te. Isor laga bacha khan, naharibi dibole kityabi khushi pora naukar khan laga Isor laga.

Aji dhyan koribole laga pobitro kotha tu hoile 2 Corinthians 9:7 “ toh hobo dibi sob jon ke tai laga uddesh hisab te tai laga mon laga, gussa   uthi kene nahoi nahoilebi lagi thaka nimite nahoi; kilekoile Isor morom pai ekta khushi pora diya khan ke.”