Feb 15 – ISWARBU PELHANBA PIBA!

“Mi amamamna magi magi thamoida pinaba lepkhraba adu pigadabani, pammuduna natraga tangai phadaba maongda piro;idabani, maramdi harao haraona piba mi adubu Iswarna nungshi.” (2 Corinthians 9:7).

Prabhuda piba haibasi punshigi yamna khudong chaba amani. Hakchang phaba, thabak suduna nomduna sen tanba ngambagi panggal asi Iswarna piribani. Taradagi mapan adubu nahakna sijinnaduna nahakki  darkar leibasing mensinba ngamhanba Iswar adu kayada thoujan heibano? Adubu tarada ama adu Iswarda harao haraona piba asi Iswarda pambani.

Nahakki punshida Iswarna pibikhraba bor mayam asina Iswarda piba ngamnabagi achouba thougatpiba amani. Mahakna mioiba sembidringeidasu numit tha, thawan michak singbu sembiramkhre. Mahakna ching mayam, turelsing patsing, aduga mahei yanba upanbising aduga ningthiraba  leirangsingsu sembiramkhi. Mahakna mahousagi oiba phajaba asi marang kaina pibire aduga mioiba eikhoi amadi sa sansing na leigadaba phajaraba taibangpan asibu sembiramle. Khudingmakki mathakta masana masabu Cross thakta katthoktuna eikhoibu handokpire. Nahakna Mahakpu harao haraona piba asi matik chadrabra? Aduga nahakna madu toubada mahakna nahakki khuttagi harao haraoba lousingani.

Matam amad Prabhu Jesuna ningnasangda phamduna misingna    senphuda sen thadaba adu yenglammi. Inakkhunba misingna makhoigi athanbadagi  pithokkhirammi. Kanagumba khranadi misingna usanu haina pithoklammi. Adubu lairabi lukhrabi amana mahakki leijaba khara adu Prabhuda pithoklammi.

Aduga Jesu adu mahakki mathakta yaman pellammi aduga mangonda asumna hairammi, “maramdi mising asina makhoigi marang kaiab lanthumdagi Iswargi damak thadare, adubu mahakti mahakki leitaba adudagi mahakki hingbada changba leijariba pumnamak adu langeida thadare.” (Luke 21:4).

Prabhuda karamba maong matouda pigani?

1. Prabhuda piba matamda nahakna aphaba lamchat ka loinana pibiyu.
2. Nahakna phangliba bor adugi chang aduda pithok u.
3. Thamoi apumbada amadi haraobaga loinna hinggadabani.
4. Aphaba changda, namthaduna niksinduna aduga pathaba duna pibiyu.
5. Nahakna lemna phangbasing adubu lemna pithok u.

Nahakna Prabhugi damakta pithokpa matamda, madu Gospel sandokpada, thawai khombada,  aduga Church  sagatpada kannabani.  Senthumda Iswargi manasingbu support toubasu yai. Nahakki senthumgi mapanna thawai mayam adubu swargada uba matamda nahakki thamoida yamna haraoba oiramgani. Madudagi henna chaoba haraoba leigadra?

Dhyan tougadaba: “nakhoina tougadaba tougadaba hiram pumnamak adu eina nakhoida utkhre, haibadi asumna kanna thabak suduna nakhoina asonbasingbu pangbigadabani amasung Ibungogi Jesugi wa phangbadagi pibana henna yaiphabani haiba adu ningsinggadabani. ” (Acts 20:35)