Feb 10 – KOTHA MANA JUNTU KHUSHI KORE ISOR KE!

Proverbs 21:3 “koribole dharmikta aru nyay bishi mananiya ase Isor ke daan laga bodli te”.

Pondit khan Purana Niom laga biswas kore ki Isor khushi hobo daan khan pora aru tai khan kamabo pare Tai laga khushi ke aru Tai laga shanty ke inika daan khan pora. Tai khan ekta galat bhabna thakishe, ki ji hoilebi tai khan laga paap nahoile galti, tai khan titya bi khemai pabole pare itu daan khan pora.

Isor pora adesh dishe Saul ke hamla koribole Amalekites khan ke, aru pura khotom kori dibole sob juntu tai khan ase aru nacharibole kun ke bi; hoilebi morabole mota aru maiki ke bi bacha aru dudh kha bacha kebi, goru, bhera, unth aru gadha khan bi. Jitya Saul  hamla korishe Amalekites khan ke aru haraishe tai khan ke, tai ke lobh lagishe Amalekites khan laga janwar khan aru morai diyanai tai khan ke, aru inika hi kotha mananai Isor laga.

Pobitro kotha koi: “hoilebi Saul  aru manu khan charishe Agag ke aru bhera, goru, memna khan juntu khan bhal thakishe aru icha koranai itu khan ke pura khotom kori dibole. Hoilebi sob biya khan aru kaam nathaka khan, ki tai khan pura khotom kori dishe” (1 Samuel 15:9).

Khali bhabna koribi judi Isor khushi paishe koile utu kaam pora Saul laga!. Hosabi, swarg aru prirhibi ase Isor laga hi, tate sob thaka logote. Sob chiriya khan akash laga aru sob janwar khan ase Tai laga. Tai pora dishe hazar guna bishi janwar khan Saul ke, jitya tulna korile ji Amalekites  khan logote thakishe. itu thaki kene bi, Saul mananai kotha ke Isor laga aru khotom  koranai janwar khan ke Amalekites khan laga. Aru itu pora bishi mon dukh korishe Isor ke, aru Tai pothaishe Tai laga nabi Samuel ke Saul usorte.

Samuel koishe Saul ke: “kile tini hoile apuni mananai awaz ke Isor laga? Kile apuni joldbazi korishe aru biya korishe suku te Isor laga? Ki Isor bishi khushi kore jola daan aru uphar khan te, na apuni kotha mana te Tai laga? Thakibi, kotha mana hi bhal ase utu daan khan pora, aru dhyan dibole utu tel khan harin laga bi” (1 Samuel 15:19,22).

Saul manibo paribo thakishe Isor laga adesh ke; ji pora tai laga rajyo agh barhi bo thakishe. hoilebi kilekoile tai laga kotha namanai pora, tai ke hatai dishe raja podh pora Israel laga. Kiman bi biya ase kotha namana laga natija tu!

Jitya apuni pura mane kotha ke Isor laga, apuni ke pabo khushi kora Isor ke. Adesh khan Isor laga bhar nahoi, hoilebi halka aru asana se. itu karone, ji kori le bi, sabi judi itu khushi koribo Isor ke, judi Isor bhal lagibo itu te nahoilebi judi Tai anondo hobo apuni logote jabole jote apuni jabo bisari ase.

Isor laga bacha khan, hodai hi kohta mana hobi Isor te. Manibi aru kamabi bhal gawahi ki apuni sobse morom laga bacha ase Isor laga.

Aji bhabna koribole laga pobitro kotha tu hoile Psalm 119:35 “bonabi ami ke berabole rasta te Apunar adesh khan te, kilekoile ami khushi kore  itu te”.