Jan 06 – Kitungan Abm’oihben asan Derna Sanaisai!

“Bindo dernan sadan sadle Anin a d’ong abm’oihben jugardamdam” (Ebri 11:6).

Amben Kitungan do lebun rapti aggangkile. Kan ordar-lingan bagu gamanganji daku. Aboi ate Kitungle Jisu Kristun, do anab-bagu ate Sonuman.

Amben Kitungan a d’ong timyimba do sonumman a d’ong ardiba. Kitungan a d’ong a timyimleden, Kitunglen, Kan a banantongan bo bigardaban abandanabenanted eteden panadradan mai-sattang hangtabe, orde Anin bimbimanji apaitai orde rugamanji apaitai. Kan ate yangam Kitungan a d’ong galama, Kan aboi bo surdadam abanantongan, kan ate Kitungan atanimyiman batte adeben dete. “Gamangtungan amangban banantongan ersz ardermadan” (1 Pitor 1:7).

Kitungan a d’ong dernadage uggaran do itsumdaman batte gankilba. bar aman rojol-j’en do barij itsuman batte Anin a d’ong gangkila (Romi 10:17). Iten asan gamlenden GAMANGtungan kuddub uggaran saijte, bar kuddub anogal anogandinji galamte. Bogad aman Anin a d’ong saijlenden, aman anin a d’ong rabangte, bindo bogad aman Anin a d’ong umdrenglenden, Anin d’ong-nam tarda ayam sikkoi ja umdrengtam. Amben mandran a d’ong er gankile.

Kitungan a d’ong gankilba sanabyun uggaran batte. A bara-lingan amben atiydamnaben dete, sanabyu uggaran do barij itsuman batte. Anin a temangan man’oihben. Do a tambusingan surda panuangbe. Kitungan agangkilte batte uggarben sayute. Kan ambrij anidolan dele ‘anlen Kitungan a d’ong agankzlba’, bindo radu gamle gamte: ‘anlen Kitungan sattang agankzlba’ (Romi 4:20-21).

Anin do aninji radu gamle bangsale gamteji anlen bigarda a kitungji adgankzlbe. Kitungan a d’ong agankzlte, barij j’en batte gankzlba, barij pwrardan do barij ranapti batte. ‘Barij J’en do barij pwrardan’ gamlenden – barij kandar d’ongan batte aganankilan. Engale school-s’ijanji barijloge tiydamtenji. A porikya-linganji; amben janang kuddub tiydamlen Kitungan a d’ong agankilbe dete

Gamangtungan a d’ong satta bantongba, bar barij j’e-benji batte Anin a d’ong janardi lingan gankilba. Anab-yagi lingan, amben Kitungan a d’ong gankilba banantongan batte. Banantongan batte Gamangtungan a d’ong gankilba; tanakaran batte Anin amangban erdikanaba.

Kitungle Jisun gameten: “Buteja mandra bagu gamangan a d’ong rapti aggangkile. Iten asan gamlenden bo bzgarda mandran a d’ong anin timyimte. Ijjaden anin bo mandran a d’ong ganyimte, do bagarda mandran a d’ong puyingte.

Tanahimdam Kitungan a onagji, Buteja mandra bagu gamangan a d’ong rapti aggangkile. Iten asan gamlenden bo bzgarda mandran a d’ong anin timyimte mandrengmadtan sikoija Kitungan a d’ong gangkilba. Mandrengna-lingben abara do agangkiltabe atena murdadage.

Okiy Kinolbe absele: “Itente abmele anlen angtzrtenbe, kunate, amben a hangte, gamle dernan abderdertalen, do itente aggittae, antate daku, gamle dernan abimnaj’etalen” (Ebri 11:1).