Jan 29 – NOTUN MOROM!

Romans 5:5 “notun akha pora nirakha nakore, kilekoile morom Isor laga hi dhalishe ami khan laga mon te Pobitro Atma pora junke dishe ami khan ke.”

Isor khushi ase bhorta koribole apuni ke notun morom pora calvary laga itu notun saal te. Utu morom ke dhalishe apuni laga mon te Pobitro Atma pora.

Apuni pora khali saishe pare prithibi laga morom ke, Krus morom laga swadh naloa agete. Apuni khali anondo loishe morom te apuni laga khandan, sathi, jibon sangini aru apuni bacha khan laga. Kunuba homoi te,a puni khan ke jukai dishe jitya manu khan dikhawa kore morom thaka laga apuni te, hosa morom nathaki kene.

Hoilebi morom Jisu laga ke mate ‘agape morom’. Itu ase bolidaan laga morom, juntu pura nijor ke di diye, iku akha nakori kene bodli te. Itu ke adbhut ase ki Isor swarg laga ahe bisari kene apuni karone, jitya apuni paap te hi thakishe. Ekta manu icha koribo pare dibole tai laga morom ke ekta hosa thaka manu nimite. Hoilebi kiman dangor aru achurit morom ase Krista laga, ki Tai dishe tai laga jibon kea mi khan karone. Jitya ami khan paap aru galti te hi dubi thakishe!

Pobitro Kotha te koi: “isor pora diyanai ami khan ke atma bhoi laga, hoilebi shakti laga aru morom laga aru ekta bhal dimag laga” (2 Timothy 1:7). “morom Isor laga hi dhalishe ami khan laga mon te Pobitro Atma pora junke dishe ami khan ke.” (Romans 5:5).

Tai jun dishe notun morom apuni ke, akha kore apuni laga morom bi. Ki apuni dibo apuni laga poila aru pura morom Tai ke jun morishe apuni laga paap nimite calvary te? “apuni morom koribo Isor ke apuni laga pura morom pora, apuni laga atma, apuni laga pura dimag aru pura tagot logote. Itu ase poila aru sob adesh. Aru dusra adesh tu ase: “apuni morom koribo apuni laga parosi ke nijor nishina. Itu duita adesh pora lagai sob niom aru nabi kene” (matthew 22:37-40).

Chela John likhe: “judi kunuba koi, ‘Ami morom kore Isor ke’, aru grina kore tai laga bhai ke, tai misolia ase; kilekoile tai morom nakore junk e tai dikhishe, kinika tai morom koribo Isor ke junk e tai dikhanai? Aru itu adesh ami khan ase Tai pora: ki tai jun morom kore Isor ke morom koribo lage tai laga bhai ke bi”.(1 John 4:20-21).

Isor laga bacha khan, hatabi sob tita khan ke aru nakaratmak utsah apuni laga mon pora,a ru bhorta hobi morom pora; morom juntu maaf kore.pabi utu morom aji apuni laga mon te, pobitro atma pora.

Aji bhabna koribole laga pobitro kotha tu hoile 1 John 3:1 “thakibi kinika hisab te morom Baba laga pradan korishe ami khan ke, ki ami khan ke mate Isor laga bacha khan!”.