Jan 28 – NOTUN NAAM!

Revelation 3:12 “ami likhibo taite naam ami Isor laga aru naam nagar laga ami Isor laga, Notun Jerusalem, juntu ahe niche swarg laga bahar te ami Isor pora. Aru ami likhibo taite ami laga notun naam.”

Notun naam! Jitya Isor bonai sob notun amikhan laga jibon te, Tai diye ami khan ke diye notun naam. Tai diya ami khan ke tagot aru mahima janak naam, ekta Tai laga dhon ase. Ahibi lobo ashirbaad notun naam laga.

Itu naam ‘Abram’ mane ‘uthai diya Baba’. Hoilebi Isor bodli korishe ituke aru dishe taike ekta notun naam ‘Abraham’; ji laga motlob ase ‘Baba bishi desh laga’.

Itu khushi korishe Isor ke bonabole Abraham jun bacha ekta bacha bi thakanai, uthai dibole upor baba ishmaelites khan laga hobole jun khan ase dhul nishina prithibi laga, aru hobole baba Israelites khanlaga jun khan balu nishina ase samandar kinar laga, aru hobole baba isai manu khan laga jun khan ase swarg laga tara nishina.

Isor pora diye ekta notun drishti apuni karone, Tai diye apuni ke ekta notun naam. Tai rakhe notun umeed apuni laga mon te aru notun kotha biswas laga. Tai bodli korishe naam ‘Sarai’ aru dishe notun naam taike: ‘Sarah’. Aru itu pora tai bonishe ama sob prabhubhakta khan laga.

Pobitro kotha te koi tate bishi paristhiti ase notun naam diya laga. Pharaoh dishe notun naam Joseph ke Zaphnath-Paaneah (Genesis 41:45). Solomon ke dishe ekta notun naam Jedidiah (2Samuel 12:25). Babaylon rajyo laga sobse uncha karamchari podh te thaka ke dishe notun naam junke anishe Israel pora. “tai dishe Daniel ke naam belteshazzar; Hananiah  ke Shadracha; mishael ke Meshach  aru azariah ke Abednego.” (Daniel 1:7).

Notun niom te, gussa bishi thaka peter ke dishe piche din khan ke Cephas  koi kene; juntu mane pathor. Krista Jisu bodli she naam ke james, lora Zebedee laga aru John ke bhai James laga, junke tai dishe naam Boanerges juntu ase, ‘lora bajrapat laga (mark 3:17). Sob stithi te bi notun naam laga, itu bodli korishe tai khan laga adot khan ke aru dishe notun akha ke.

Pobitro kotha te koi: “gentiles khan sabo apuni laga dharmikta ke,a ru sob raja khan apuni laga mahima ke. Apuni ke matibo notun naam pora, juntu Isor laga mukh pora naam dibo” (isaiah 62:2).

Isor laga bacha khan, prathana koribi aru kobi notun naam isor pora diya laga. Jitya Isor pora likhe naam khan ke Jibon laga kitab te, tai nalikhe  naam khan ke najana isor khan laga. Tai pora likhibo kahli naam juntu Tai dishe apuni ke. Aru itu notun naam hi apuni karone dangor ashirbaad hobo.

Aji bhabna koribole laga pobitro kotha tu hoile revelation 2:17 “taike jun paar kore ami dibo kunba luki thaka swarg laga khana khabole. Aru ami dibo taike boga pathor, aru utu pathor te ekta notun naam likhi kene juntu kun bi najane kali tai jun itu ke pabo.”