Jan 18 – NOTUN SURA SHAL!

Job 32:19 “hosabi, ami laga pet tu ekta sura nishina ase jote chenda nai; itu tayar ase phuti bole ekta notun sura shal nishina”.

Ghor khan te Israel laga tate thakibo sura shal – purana aru notun. Itu khan ke bonai chamra pora aru cholai rakhibole, ras karone jinika pani aru sura.

Ami kha pore Pobitro kotha te jitya Abraham pothaishe tai laga naukar Hagar ke, tai dishe tai ke ruti aru shal pani laga (genesis 21:14). Itu niom thakishe rakhibole sura inika surashal te (Joshua 9:4, 1 Samuel 10:3).

Tate ekta zaroori kotha thakishe janibole jitya rakhe sura sura shal te. Ami khan laga Iosr Jisu kooishe: “nahoilebi tai khan nadhale notun sura ke purana sura shal te, nahoile sura shal bhangi jai, sura  tu giri jai, aru sura shal khan biya  hoi jai. Hoilebi tai khan dhale notun sura shal, aru duita bhi bhal thake”.(Matthew 9:17).

Jitya apuni ahe Jisu Krista te, sob purana saman khan par hoi jai aru sob bone notun. Aru apuni laga mon bhorta hoi notun anondo pora mukti laga. Ekta notun sura shal nishina, khun calvary laga bhorta kore monk e notun shanty logote aru achurit maujudgi te Isor laga. Apuni janibo ki apuni ahi ase bahar andhera pora aru ghushi ase notun puhor te.

Hoileibi tate kunuba ase jun, jama nakuri kene itu notun sura ke notun surashal te, kuchis kore rakhibole itu  ke purana surashal te – juntu purana jati laga niom ase. Ekta bodlav nathaki kene apuni laga jibon te, apuni naparibo kitya bi bhorta koribole notun anondo ke mukti laga. Itu zaroori ase ki sob apuni laga dosti khan aru adot khan bodli hobo lage, puhor mukti laga.

Itu ekta dangor shakti ase notun surashal te; itu pora khuli dibo pare apuni laga hath khan ke aru bonabo apuni ke phuti bole anondo pora. Job pora like: “hosabi, ami laga pet tu ekta sura nishina ase jote chenda nai; itu tayar ase phuti bole ekta notun sura shal nishina”. (job 32:19).

Isor  laga bacha khan, sabi judi morom Isor laga ulaishe bahar  apuni laga hath te aru judi  tai khan ke rakhibo notun surashal te, puhorte Tai laga mukti laga.

Aji bhabna koribole laga pobitro kotha tu hoile Psalm 56:8 “apuni ginibi ami berai thaka ke; dhalibi ami laga suku pani ke apuni laga dibba te; aru tai khan nai apuni laga kitab te?”