Jan 19 – NOTUN PHAL!

Song of Solomon 7:13 “ami lahan laga dorj khan te ase bhal phal khan, sob kisim laga, notun purana, juntu Ami rakish apuni karone, ami laga orom”.

Isor akha kore notun phal apuni te. Utu din khan te, jitya Tai saishe notun phal karone ekta dimoru laga gash te, khali pata hi tate paishe phal nathaki kene.

Ki motlob ase itu shabdh, ‘notunphal’ aru ‘purana phal’. Notun phal ase juntu khan phule aru bone pura pakki ja gash te; aru chinge gash pora aru khai taza te. Itu laga swadh alag achurit ase. Purana phal khan utu ase juntu te rakhe ekta fridge te aru chai homoi te. Aru purana phal khan kitya bi iki nahoi swadh te aru taza te notun phal nishina. Isor itu bi akha kore apuni pora; aru sukhi ja phal nahoi.

Ki koribo lage apuni dibole notun phal ke Isor ke bhorta kori kene? Isor Jisu Krista koishe: “Ami ase lote; aru apuni theni khan. Tai jun ase Ami te, aru Ami tai te, lage bishi phal; kilekoile Ami nathakile apuni iku  koribo naparibo” (John 15:5). Hoil itu laga rahasya phal laga tu hoi thaka ase Isor hi.

Itu pura ppondro adhyay John laga Gospel te koi jibon thaka Krista te. Tate teroh ta sthiti ase jote itu shabdh ‘thake’  cholai kene ase itu adhyay te.

Ki hobo judi ekta pata bhabna kore kile itu mili bo lage paudha logote aru kile itu alag hobo nalage paudha pora? Utu pata joldh hi sukhi jabo aru bonibo kachra laga  hissa. Itu pora pura koribo naparibo nirmaan laga uddesh ke.

Judi apuni thake Krista te aru mile Tai te, apuni tagot aru shaktishali hobo. Judi apuni nathake Tai te, apuni ekta gubbara nishina hobo hawa nathaki kene; ekta bijla laga bulb ujala nathki kene, nahoilebi ekta sukha pata nishina.

Jitya a puni thake Krista te, pura swarg hi mile apuni te; hazarte duth khan logote. Apuni pai sob ashirbaad khan Isor laga, aru dhore phal Iosr nimite. Apuni  kkhushi kore Isor ke apuni laga notun phal logote hodai din.

Dhoribi phal; aru milibi pabole notun phal ke bhorta kori kene Isor nimite itu notun saal te. Dhuri kene phal, apuni ashirbaad  hobo aru Isor laga bi mahima  hobo utu phal khan pora. Isor laga bacha khan, Isor icha kori ase sabole age thakibole nimite notun aru taza apuni pora hodaidin. Ki apuni pura koribo itu icha Isor laga?

Aji bhabna koribole laga pobitro kotha tu hoile Revelation 22:2 “itu gash jibon laga, sob gash dhue phal nijor kisim laga. Pata khan gash laga thakishe changai koribole sob desh karone”.