Jan 16 – NOTUN JIBON!

Luke 15:32 “itu sahi thakishe ki ami khan bonai anondo aru hoi khushi, kilekoile apuni laga bhai morishe aru jinda hoishe aru ekbaar, aru harai kene bisari paishe”.

Prodigal lora (Luke laga Gospel, adhyay 15) te thaka ekta udharan ase pobitro kotha te kunuba  aha te wapas tai laga dhyan te. Jitya apuni sai tai laga poila jibon te, poila kotha juntu tai korishe wapas aha laga nijor dhyan te, janibo parishe ki tai laga jaga tu hoi le gahori khan logote thakanai. Dusra, tai janishe ki tai ase ekta baba jun taike morom kore aru jun taike lobo. Tisra tu  hoile, tai itu bi bujishe ki tai lage swikar  koribole tai laga paap khan ke aru galti khan ke tai logote milibole nimite.

Judi apuni lage jiyai bole ekta notun jibon ke, apuni khan janibo lage mon te aru pura koribo lage itu tinta saman ke. Apuni khan nijor ke namilabo lage itu prithibi laga manu khan logote jun khan gahori nisina ase tai khan laga adot te. Apuni khan thakibole nalage inika gila mati te hoilebi itu pora bahar ulabole lage. Apuni khan morom koribo lage Prabhu ke; swikar koribo lage Tai laga swargo morom ke juntu map kore apui laga paap khan ke aru barhe Tai laga adot khan te. Apuni khan khuli kene swikar koribo lage sob apujni laga paap kan ke Isor ke aru ghuribo itu khan pora.

Jitya prodigal lora ghurishe, tai paishe sob  notun tai laga baba ghorte. Tai paishe ekta notun kapra, notun anguthi, notun chappal, aru barakhara mosto janwar bacha laga. Aru sob uporte, tai paishe wapas pura morom ke tai laga baba laga.

Itu nishina hi, apuni be morishe apuni laga paap aru galti khan te.  Apuni hobo pare kotha namana laga aru thakishe ekta jibon niom hisab te chala chaya laga malik laga. Apuni beraishe icha te apuni laga gau laga,a ru jaiyaishe andhera laga bacha hoi kene. Apuni thakibo pare Krista nathaki kene, ekta videshi hoi kene Isor laga dhon pora aru ekta anjan manu nishina Isor laga kosom khan pora, nathaki kene iku akha aru nathaki kene Isor itu prithibi te.

Hoilebi itya apuni loishe Krista Jisu ke apuni laga rakshak aru Prabhu mani kene aru paishe ekta notun jibon ke. Apuni nyayuchit aru kimti hoishe Isor laga morom nimite aru bonishe Isor laga bacha, aru parishe jabole Tai laga rajyo te anugrah laga. Apuni mate ‘Abba ‘ mane ‘baba’ apuni laga mon laga gehrai pora. Apuni itya bonishe bacha Krista logote pabole Isor laga kosom khan ke. Apuni barhe agete ekta thik akha thaki kene ki apuni thakibo ekta bhag swarg laga rajyo  te. Apuni bi uthishe kruste sob pura bhag khan apuni laga jibon te, sob lobh thaka icha khan, juntu loi jaishe apuni ke paap te atit te. Apuni bachishe itu khan sob laga bandhi pora; aru mahima kore  Isor ke.

Isor laga bacha khan, sob bhag khan apuni laga gau laga itya Isor laga ase. Isor pora notun korishe apuni laga atma ke aru pobitro  atma apuni te thake. Apuni modir ase pobitro  atma laga. Kiman dangor bodlav ase itu!

Aji bhabna koribole laga pobitro kotha tu hoile Romans 6:6 “jani kene itu, kim ami khan laga purana manu ke bali dishe Tai logote, ki gau paap laga ke khotom koribole, ki ami khan aru paap laga naukar nahobole”.