Jan 14 – NOTUN KHUSHI!

Psalm 90:15 “bonabi ami khan ke khushi utu din khan te jitya Apuni pora ami khan ke dukh dishe, saal khan jote ami khan dikhishe biya ke”.

Atit tu ghuri jaishe. Bishi din khan ase poila laga saal te jitya ami khan dukh pai aru dikhsieh biya ke. Hoilebi utu khan piche nakoribo apuni ke notun saal te. Suku pani gira laga anubhav khan juntu apuni paar korishe poila laga saal te, Isor pora bhorta koribo apuni ke notun khushi pora.

Judi apujni bhabna kore itu laga karan ke poila laga dukh aru digdar khan laga ujala te pobitro otha laga, apuni bujibo ki itu ami khan laga porikha hi thakishe. Pobitro kotha te koi ki Isor loi jaishe apuni ke itu khan sob  pora: “ki Tai koribole apuni ke nomro aru Tai apuni ke porikha lobule, koribole apuni ke bhal ses te” (Deuteronomy 8:16).

Isor logote ase ekta sapha parikalpana apuni karone- loi jabole apuni  ke notun saal te aru koribole apuni ke bhal. Isor pora koi: aru Ami chuniloa pora anonodo lobo kaam khan ke tai khan laga hath laga” (Isaiah 65:22).

David hosa bi chuni loa thakishe Raja hobole Isor pora hi; aru tai ke chuni loishe Nabi Samuel pora i. hoilebi tai ke atyachar korishe iman dukh aru digdar khan  pora. Saul pora bisari thakishe tai ke aru saishe tai ke pahar laga gufa  khan te. Apuni bhabna koribo kile Isor pora itu hobole dishe inika dukh aru porikha David laga jibon te? Itu khali taike bonabole ekta dangor Raja aru ekta tagot nabi hobole Iosr laga age laga din nimite.

Ekta thik homoi te, sob tai laga dukh khan ahise ses te. Tate pura bondh hoishe din khan tai laga dukh laga aru din khan tai laga sangharsh kora laga. Aru tai ke chunishe ekta Raja hobole pura Israel nimite. Kiman bi natakia uthai diya laga thakishe David laga jibon te?

Bhabn korile ses din khan ke David laga, pobitro kotha te koi: “toh tai morishe ekta bhal umor te, pura din khan laga aru dhon aru sonman laga” (1 chronicles 29:28).

Sob porikha aru atyachar khan laga ki apuni paar korishe ane apuni k eek kadam usor ashirbaad laga. Dukh aru porikha khan khali as eek homoi nimite, aru itu nathakibo bishi deri tok (1 Peter 1:6, 5:10). Hoilebi napahoeibi kitya bi ki paar kori kene utu porkiha khan, apuni paishe apuni laga notun khushi aru notun ashirbaad ke.

Ki jani apuni sabo pare dangor dukh khan paar koribole apuni laga bachibole laga mota pora. Ki jani apuni mon  bhangi kene ase, ekdom biya khan. Hoilebi itu notun saal te, Isor pora  gurabo sob itu khan aru dui guna apuni laga khushi ke.

Isor laga bacha khan, din khan apuni laga dukh laga aru saal khan dukh laga ahibo ses te. Itu notun saal te, Isor  pora hatai dibo sob apuni laga atyachar laga aru bhorta koribo apuni laga monk e notun khushi pora. Itu karone narukhi kene prathana koribi biswas te.

Aji bhabna koribole laga pobitro kotha tu hoile Psalm 90:17 “Aru hobole dibi sundorta Prabhu ami khan laga Isor laga ami khan uporte, aru khara koribi kaam ke ami khan laga hath khan laga ami khan nimite”.