Jan 11 – Asuyeman dete bute bute Derdertenji!

“Bindo bute bute Gamangtung lingan derdertenji, aninji a yaryar Anin asuyeman batte danandraban deteji” (Sanenken 32:10).

Angante bo luaneban bo janonglingan dakule do adj’oad, aguneblen amandran kun luaneeban aidben asan oskailen. Kun ayam lingan ogandile, enjuman ababneban dakule. Bindo janongan aturturmar gamle gunebmaran a d’ong, do bo mihnum agijba gamle (Sanenken 33:22).

Kun neban bo mihnum abmele l’ule, kun neban bo janonglingan adakulen asan do tanurturmaran a oblinglen asan. Angante Gamangtungan gamete “Anin dungdamd’aban a guneb aran ambrij; anin hadab ayam lingan j’on j’ote, Bindo bogad kun neban atanurtur mar adakulenden, kun anangan saring adrablenden.

Do a olan baldedle adnasarre. Do itente anin lumte antate ojoraite. Bibolan gadlamlangten: “Bar alon a kodi kota manengban janumjuman apsele kuddub janab j’o-neban dete. kun nebanji a olan baldedle adruyole orde a j’on aggalue.

D’an sarebasingan saring dungten asan kun nebanji di anggai j’on j’ote bar anta j’on janumjuman apsele do anta olan sanamangan apsele dete. Bindo Janggardan a j’on tanimyiman, man’oihan, sanabyun

Kitungle kuddub tabme abmete. Er j’onon maranji a d’ong j’onon maranji amangba abangjingte. Bar Anin asang j’onji ragal j’onban abanjingte bangsa j’on atiyben abmele. Ogandile gijba amben agule aneeban janonglingben ate. amben a oskaite janongan, neebanji aguben abmele. Bangsa solan atiyte, d’an rule bangsagam asagalte.

Asui mihnum atiki, neebanji raduloge marangteji do aj’oben susuteji. Bar kun j’onji gijan gijle man’oihben adkadabne. Amben m’oihling adakute neebenji a j’on gijle bigardanji aneeb saring. Kun ambrij, Kitungan janang saite mangben saring a j’oben.

Kani a baran a dangdangben asan iteja a banaih anosaijan agassa” (Sanenken 103:4). Atengayam sanaiyen, asuyeman, banangsan, dernan, lanagadan, ladladj’edamnan, Tanahimdam Kitungan a onagji, man’oihan uggar do bangsa ganijtalingan. Kitungan a pasijanji, kanina Kitungan aitsuman Janggardan a j’on.

Okiy Kinolbe absele: “Bindo hen Kintungan a s’ing lingan marangten a jito neban ambrij daku; Kitungan asuyem lingan hen tarda ayam derdertenai” (Sanenken 52:8).