Jan 04 – ANOUBA PHIRON !

“makhoi khudingda mahakna ahanba phijol pirammi, adubu Benjamindadi mahakna lupa Shekel chahumgi phi marol manga pirammi.” (Genesis 45:22).

Iswarna eikhoida anouba phijol pibiri. Mahakna eikhoigi ariba amadi amotpa phijol adu louthokpire aduga anouba thawaigi phijol adu setpire.

Josephna Egyptki governor oirakpa matungda mahakki machin manaosingbu unabirammi. Makhoi lounamakta anouba phijol pibirammi. Adubu Benjaminda yamna nungshijaduna anouba phijol marol manga su pirammi. Josephtagi henna chaoba eikhoigi damakta Prabhu lei, mahakna eikhoida anouba phijol adu pibigani. Oktaba machanipana hallakpada mapana khwaidagi phajaba phijol pibiramba adu nahakna Bibleda thengnarabra? (Luke 15:22).

Mapa ama oina nachasinggi dmakta khwaidagi phaba phijol pibiba pamgani. Madu oirabadi swragagi Ipa na nangonda pibirakkdaba khwaidagi phajaba phijol adugi maramda dhyan toubiyu. Josephna Benjamingi dmakta tonganba phijol manga pibiramba adugumna  Iswarna su eikhoigi dmakta thawaigi phijol marol manga thambiri. Madugi maramda eikhoina dhyan touminnasi:-

1.Arankhubamgi phijol(Isaiah 61:10)

2.Dharmachenbagi phijol(Isaiah 61:10)

3.Thagatpagi phijol(Isaiah 61:3)

4.Kabrang phi gi phijol (Revelation 19:8)

5.Angouba phijol (Revelation 3:4)

Aduga  Galatians 3:27 eikhoina asumna pai,khudingmakki mathakta eikhoina Christabu setkadabani. Christabu  setchinba mising khakta achumba Christianni. Christagi magun amadi lamchat maong matousingdu nangonda uba phanggadabani.

Iswarna Adam amadi Evebu sembiba matamda makhoigi phijol gi damakta Iswarna masagi matik mangal adu pibirammi. Adubu makhoina papta tabadagi makhoidagi madugi phijol adu satanna munbikhre. Aduna makhoi phi thondaba oire.

Aduna makhoina heiyit mana da makhoigi damak setningai semlammi. Makhoigi tonthaba phibam adu Iswarna urammi. Makhoida nungshibikhi, sa unda phijol sembirammi aduga makhoida thonbikhi. Sagi maunda phijol ama semdoknaba sa ama siba takhi.

*Anouba warepnabada Prabbhu Jesu masana madugi Yaomacha oiramle. Eikhoibu paptagi kanbinaba mahakki eerik aroibaphao katthokpa pammuramde. Mangkhraba madugi matik mangalgi phijol adu eikhoida amukka hanjinbikhi. Ngaisidi eikhoina setchingadaba arankhubamgi phijol adu Christa masamakni. Nahakna  Christabu setchillu, mahakna nahakki arankhubamgi phijol oire. Iswargi machasing, yamna mamal luraba arankhubamgi phijol asi cheksinna ngaksellu.

Dhyan tougadaba: “asengbasinggi amasung Iswargi wa takthoksinggi ee tahankhrabasingbu nahakki ee thak halle,madu makhoigi damak matik chabani.” (Revelation 16:15)