Jan 01 – Tabme Mihnum!

“Nami dinnan saring Hen d’ong-ben absittatai” (Haggai 2:19).

Tanimyimdam subscriber Antantulla Appam saring Tabme minhuman a lanim alimtaben. Tabme minhum lingan abaduihtenan asan hen Kitungan a d’ong abgugutai do senkenratai. Kitungan d’ongben absittabenten.

Do bangsa do asuyuman batte, egale amben asusuten tabme minhum lingan a tanurdun batte. Bangsan batte abrubob-benten kan a minhum lingan, do a janzbjzban ambrij a banangsan do kuddub a suyuman kan tabme minhuman saring tiytaben. Kuddub bangsa janabanji batte tiytaben.

Kitungan d’ongben raub-baban tiylaben kan minhum lingan banangsan batte dakule mukkababen. Banangsa batte a tiylabenan asan, tagorbenji saru dele bo surda banangsan batte. Anten asan, omdiba a jingban adhage sikoija anabsittan do Anin a dakule a taniytiyan.

Giyo langale do bangsale ganabdilan dete. miyolan abmele janang handramtabe. Giyo a garamgam bo surda anabsitta lanangkaban saring. Kitungan nab o surda anabsitta tiylangten. Kan tabme minhum lingan bo bangsa minhum dete. Bogad tagorben rojol delenden, kuddub god lingnam a d’ongan ayimben dete (Aparamangtan 1:28). bibolan gamte: “Kuddub god-ling-nam Anin a d’ong abpemenga Etteden Anin tangor-namji abrojolte.

Angante amben a surpid-damten kuddub god-ben amangban, tagorben saru dete do sanittan batte barij debenten. Daudo surpidle Tabme minhuman Kitungan a s’i-ling do abgugule do senkenrale (Aparamangtan 12:2-3). Angante gijgijle tabme minhuman anin gijle Kitungan a dakule anabsttan anin apsele ate tabme minhuman apsele.

Angante amben janang alumte kan ambrij, Kitungan abrubob-benten a banangsan batte, banangsan, sanayaman do sanabyun batte. Tanahimdam Kitungan a onagji, amben bo surda taniytiyan a hangte kan tabme minhum lingan. Kitunglen, bo surda panemengan batte, abdainabenten.

Egale mukkababen anin yirte, tagor lingan hanaba er bantonglabe do man’oih uggaran batte. Tanahimdam Kitungan a onagji, amben nami dukkadam do dukkapo. Marid Janggardan U’an ahim-ling-Hen appaite, Anin kudduban abmele hanghantaben. Kitungan absittataben do Anin kuddub banangsa tiytaben.

Okiy Kinolbe absele: “Anten asan dernan batte a delen a mandranji dernadage Abraam ampara sanittan deteji” (Galatianji 3:9).