Nov 24 – TAGOT ISOR!

Luke 5:17 “aru shakti isor laga thakishe changai kuribole tai khan ke”.

Isor pora kosom dishe tai laga changai kora laga shakti ke ami khan laga majete. Jitya ahe ami khan laga swasth te, poila ase amikhan laga swasth atma laga. Judi apuni laga atma barhe, tintihoile apuni uthibo sob saman khan te aru gau te bi.

Psalms likha david pora koi: “isor, daya thakibi ami te;  changai koribi ami laga atma ke, kilekile Ami paap korishe apuni laga khilaf te” (psalm 41:4). Hoi, jitya apuni swikar kore aru ghure apuni laga paap khan pora, raishta majete apuni laga aru Isora laga notun hoi. Itu pora ane dangor anondo apuni laga atma te aru diye achurit changai ke.

Dusra, changai nahoilebi mukti piche jaa pora. Isor pora koi: “Ami chanagi koribo tai khan laga piche jaa pora, Ami morom koribo tai khan ke mukti di kene, kilekoile Ami laga gussa ghurishe tai pora” (hosea 14:4). Jun khan gire lobh te gau laga, lobh te suku laga aru ghamand jibon laga aru piche ghura te; judi tai khan ghure Isor phine, Tai kosom diye changai diye tai khan laga piche ghura pora.

Tisra, Tai changai diye mon bhanga khan ke. Pobitro kotha te koi: “Atma Isor laga ami upor te ase; Tai pora pothaishe Ami ke changai koribole mon bhanaga khan ke” (Luke 4:18-19). Haar, chari diya khan, dukh aru digdar khan mon bhanagai diye ami khan laga. Apuni chipi ken ease apuni laga mon te, jitya apuni ke thogai diye tai khan pora jun khan apuni laga usor te aase. Hoilebi Isor pora chanagi koribole pare apuni ke utu manu khan pora. Tai pora diye ahram changai kori kene mon bhanga kha ke aru mukti diye tai khan ke jun khan bandhi hoi kene ase.

Auni khan mangibo lage sob kosom khan ke swash lag aru chanagai la, juntu pobitoro kitab te pai. Bishi ase kosom khan swasth laa, canagai laga, aru barha lagapoitro kohate is pora ane swasth apuni laga atma te; changai kore apuni ke piche jaa pora; aru changai kore mon bhanga khan ke. Tai pora diye swasth ke tai khan ke jun khan laga kun bi nai dhyan rakhibole tai khan laga jun khan ke manu pora mana kori kene ase.

Isor laga din khan te itu prithibi te, Tai morom thakishe sob khan ke jun khan Tai usorte ahishe; junkhan jhuji thakishe aru bhangi kene thakishe alag alag samasya khan logote; junkhan bhugi thakishe bishi bimar khan logote; aru jun khan bandhi hoi kene thakishe satan pora. Bishi morom logote, Tai changai dishe tai khan ke. Shakti Isor laga ulaishe Taipora, jitya Tai chui bimar khan ke aru napungcha khan ke. Nai kun bi jun ahishe Tai usorte aru ghurishe changai napai kene. Isor laga bcah khan, Isor jun nabodle homoi logote, diye apuni ke pura mukti aru achurit changai ke.

Aji bhabna koribole laga pobitro kotha tu hoile matthew 4:23 “aru Jisu jaishe pura Galilee  te, shikahi she tai khan laga samajagria khan te, prachar kori kene subh samachar ke rajyo laga,a ru changai ke sob kisim laga bimar laga manu khan majete”.