Nov 18 – SHANTI PRITHIBI TE!

Luke 2:14 “mahima Isor ke sobse uncha te, aru prithibi te, bhal icha te manu khan karone!”

Itu khali Christmas laga mausam te hi ki mon khan manu laga icha kore shanty karone, hoilebi pura saal te. Kunbi desh judho te thakibole mon nai, kilekoile sob manu khan icha kore shanty ke hi.

Second world war pichete, United Nations khan bonaishe global organization, ke shanty rakhibole. Manu khan bitai bishi hbooi aru poisa bisaribole shanty ke. Jitya tai khan koi shanty aru suraksha, titya achanak  nash aru jhagra khan ahe tai khan te (1 Thessalonians 5:3).

Itu khali hatabole jhagra aru aru rakhibole shanty laga uddesh te hi Isor Jisu ahishe nicete prithibi te. Tai gali dibole pare hala kori thaka hagor khan ke aru toofan ke aru shanty te tai khan ke rakhibole  pare; aru adesh diye shanty ke porivaar te aru desh te. Jitya Isor Jisu gali diye hawa ke,a ru koi hagor ke, “shanty, rukhi thakibi!” – hawa hasihe aru tate dangor shanty thakishe. (mark 4:39).

Tai hi ase Isor Shanti laga aru Rajkumar Shanti laga (Isaiah 9:6). Tai hi ase nimar kora shanty laga (Micah 5:5). Thik shanty  ahe Tai pora ekla. Jisu koishe: “Shnaty Ami apuni ke chari ase, Ami laga shanty di ase apuni ke; nahoi jinika prithibi pora  diye apuni ke. Hobole nadibi, apuni laga monk e digdar, nahoilebi itu ke bhoi hobo nadibi,” (John 14:27).

Paap khan khotom kore shanty ekta manu laga. Paap aru moila khan alag kori diye ekta manu ke Isor laga morom pora; aru ane biya aru dushmani tai bhitorte.

“tate iku shanty nai,” koi amilaga Isor, “biya khan karone.” (Isaiah 57:21). Jisu Krista dishe Nijor ke ekta paap laga daan hoi kene kruste. “Tai jokhom hnoshe ami khan laga galti khan nimite, Tai ke phulai dishe ami khan laga moila khan nimite; dukh amikhan laga shanty nimite ahishe Tai te,a ru Tai laga patyi khan pora ami khan changai hoishe”.(Isaiah 53:5). “aru Tai pora milibo sob saman khan tai te, aru Tai pora hi, thaki kene shanty khun pora krus laga”. (Colossians 1:20).

Khali shanty juntu Tai diye pura ase aru hodai din karone; aru ane khushi apuni laga atma ke.  Bacah I kene rakhibi itu dangor shanty ke juntu diye Isor pora diye. Aru tayar thakibi tirabole iku kimat pabole aru bachabole itu shanty ke. Hatabi sob tita khan ke apuni pora durte, aru milibi sob logote jun logote apuni milibo lage. “Alag hobi biya pora aru koribi bhal ke; bisaribi shanty aru aghe barhibi itu te” (Psalm 34:14).

Isor laga bacha khan , itu zarori ase ki apuni laga mon bhorta hobo lage itu achurit shanty pora. Jitya itu bhorta nahoi inika shanty pora, itu pora anibo saitan ke ghushibole apuni laga mon te. Hoilebi  jitya itu bhorta hoi isor laga morom logote, tinihoile apuni hobo shanty Isor laga, juntu paar kore sob buja khan. “aru shanty Isor laga, juntu paar kore sob buja khan, pora rokhya koribo apuni laga  monk e aru dimag ke Krista Jisu pora” (Phillipians 4:7).

Aji bhabna koribole laga pobitro kotha tu hoile 1 Peter 3:11 “ghuribi biya pora aru koribi bhal ke; bisaribole dibi shanty aru barhi bole dibi itu te”.