Nov 17 – MAHIMA ISOR KE!

Luke 2:13-14 “aru achanak tate ekta duth thakishe hazarta swarg laga duth khan seva kori kene Isor kearu koi kene: “Mahima Isor ke sobse uncha te, aru prithibi te shanty, bhal kaam te manu khan ke!”

Jitya ami khan December laga mahima pongche, ami khan chrbistmas karone bhabna kore. Mohina laga shuru te, girja laga gana kora khan ghor ghor jai kene carol gana kore, pobitro kotha ke pore, prathana kore aru mahima diye Isor ke. Aji laga mukhya podh te, ami khan pai gana swarg laga duth khan laga, jitya tai khan koi Rakshak laga jonom ke.

Pobitro kotha te, ami khan pai tinta stithi te jote duth khan gana kore aru nache aru mahima  diye Isor ke.

1.Jitya Isor bonaishe prithibi ke: “phujir te tara khan gana korishe mli kene, aru sob putro khan Isor laga chilashe anondo pora?” Job 38:7.

2.Isor Jisu Krista laga jonom te, jun ahishe prithibi te bachabole giri thaka manu ja ti ke; swarg laga duth khan gana korishe charwaha khan ke (Luke 2:13-14).

3.Jitya paapi khan swikaar korishe aru ghurishe Isor te (Luke 15:7).

Tate tinta bhag ase gana khan te duth khan laga. Poila tu, ‘Mahima Isor ke’. Isor swarg te thaka hi khali kimti ase sob mahima laga aru sonman laga. Manu khan sonman koribo lage Isor ke aru itu hi ji ase Isor pora akha kore.

Isor koi: “Ami nadibo Ami laga mahima kunkebi”. (Isaiah 48:11). “Ami ase Isor, utu ase Ami laga naam; aru Ami laga mahima Ami nadibo kunke bi, nahoilebi Ami laga naam uncha khan bonai diya murti kene”. (Isaiah 42:8). Itu karone raja David saishe Isor ke aru koishe: “Apuni laga, o Isor, sobse dandor, shakti aru mahima, jitya aru rajakiya; kilekoile ji ase sob swarg te aru prithibi te hoi Apuni laga; Apuni laga ase rajyo, o Isor, aru Apuni ke hi  uthaishe mattha nishina sobte” (Chronicles 29:11).

Junbi mahima diye aru sonman Isor ke, tinihile Isor thakibo tai khan laga majete – Tai khushi pai thakibole mahima laga mejete. Jitya raja Solomon dishe mondirke Isor nimite aru mahima korishe aru sonman Tai ke, mahima isor laga niche ahishe mondirte ekta badal nishina. Maujudgi isor laga thakishe tate bonabole ekta kosom ke majete Solomon laga aru Israel laga manu khan laga. Ami khan sai aru bi alag ke pobitro kotha te, jitya Herod harishe mahima dibole Isor ke, khong aru faisla Isor laga ahishe taite aru duth khan Isor laga taike marishe (Acts 12:23).

Isor laga bacha khan, judi bi itu  dangor kotha ase naoile bi chutu, mani lobi ki itu Isor pora hi ase aru kobi ki Tai hiase karone sob barhi ja laga unnati laga apuni laga  jibon te. Thakibi apuni laga jibon ke thik hisab pora, anibole mahima Isor ke sobse uncha te.

Aji bhabna koribole laga pobitro kotha tu hoile Pslam 19:1 “swarg khan koi mahima Isor laga; aru mati khan dikhai Tai laga kaam ke”.