Nov 15 – HODAI DIN LAGA ISOR!

Deuteronomy 33:27 “Hodai din laga Isor hi ami khan laga ashray ase, aru bhitorte ase hodai din laga hath khan”

Sabi hodai din laga Isor ke aru Tai laga hodai din laga hath khan ke. Tate kun  bi nai jun pora apuni ke bachabole paribo aru sahara dibole paribo, jinika ami khan laga hodai din laga Isor diye. Tai ekla hi apunilaga ashray ase!

Kunuba manu khan mane ki mantra khan sorkar laga, uncha podh te adhikari khan, police adhikari khan nahoilebi kunuba alag manu khan itu prithibi laga tai khan laga ashray ase. Hoilebi utu ashray khan khara nathake porikha laga homoi te, aru tai khan gire biya pora jitya tai khan laga sorkar bodli hoi, homoi jai kene. Bimar khan laga homoi te, bishi khan mane hospital hi tai khan laga ashray ase. Hoilebi Isor lga bacha khan karone, Hodai din laga Isor hi tai khan laga ashray ase; aru khali Tai laga hodai din laga hath hi diye tai khan ke sahara.

Utu hodai din laga Isor dikhai ashray Moses ke. Moses pai ekta pathor – hodai din laga pathor; aru ekta chenda thakishe utu pathor te. Isor rakhishe Moses ke utu chenda te aru dhakai she tai ke Tai laga hodai din laga hath pora (Exodus 33:22). Moses khali panai utu uncha ashray ke hoilebi dikhishe utu mahima ke Isor laga. Moses likhe: “Tai jun thake luki thaka jag ate sobse uncha laga thakibo chaya te Sarvshaktiman laga. Ami kobo Isor laga, “Tai hi ase ami laga ashray aru amilaga kila; ami laga Isor Tai tea mi biswas ase” (Psalm 91:1-2).

David thakishe hodai din laga Isor ke tai laga ashray nishina pura jibon te. Tai kitya bi nijor laga tagot te nirbhar koranai, tai laga sipahi khan, tai laga rahth khan nahoilebi tai laga ghora khan te. Itu karone kilekoile tai likhe: “kilekoile ami laga digdar homoi te Tai ami ke lukai dibo Tai laga dhip te; ekta luki thaka jaga te Tai laga tamboo laga, Tai ami ke lukai dibo; Tai rakhi dibo ami ke ucha jag ate ekta pathor laga” (psalm 27:5)

Apuni laga biswas laga suku pora, apuni dikhibo ki utu hodai din laga Isor khulishe Tai laga pankha ke aru dhakai ase apuni ke Tai laga dhip te. Tai pora jonom dishe apuni ke hodai din laga hath te. Aru kun pora chini bo paribo utu tagot laga hath pora?

Psalms  likha David pora koi: “isor hi ami khan laga ashray aru tagot ase, itya laga modot digdar  homoi te. Itu karone, ami khan bhnoi nakoribo, judi bi itu prithibi ke hatai diye, aru judi bi pahar ke loi jjai hagor te; judi bi itu laga pani gurai aru digdar diye, judi bi pahar khan hile phuli uthi kene. Selah” (Pslam 46:1-3).

Isor laga bacha khan, hodai din laga Isor jun pora dishe ashray Noah ke aru tai laga porivaar ke, Tai pora hi hosa bi dibo ashray aru bachav apuni ke aru apuni laga bacha khan ke aha laga sob jug te.

Aji bhabna koribole laga pobitro kotha tu hoile Isaiah 25:4). “kilekoile Apuni hi tagot ase dukhiya khan ke, ekta tagot lagi thaka ke tai khan laga digdar te, ekta ashray dhumuha pora, ekta chaya garmi pora”.