Nov 13 – UPHAR JINDA PANI LAGA!

John 4:10 “Jisu jawab dishe aru koishe tai ke, “judi apuni janibo uphar Isor laga, aru itu kun ase kun koi apuni ke, ‘Dibi ami ke pani,’ apuni Tai ke mangibo lage, aru kun pora apuni ke jinda pani dibo”.

Kiman dangor ase itu uphar jinda pani laga! Pani itu prithibi laga bujhabo khali gau laga pyas ke. Hoilebi uphar jinda pani laga santushth koribo icha apuni laga atma laga aru dibo ahram apuni ke Jisu Krista te.

Utu din te utu Samaritan maiki icha korishe prithibi laga icha khan ke aru lobh khan ke. Tai bishi icha thakishe prithibi laga morom khan laga; tai sadi bi bishi mota khan ke tai korishe, ekta pora ekta ke.

Jitya ami khan pore tai laga jibon ke, itu gawah ase ki tai panchta mota thakishe aru ekta juntu tai thakishe ses te utu tai laga mota bi thakanai. Pobitro kotha te koi ami khan ke koi ki tai koishe  hosa pora utu kotha te (John 4:18).

Saman khan itu prithibi laga kitya bi santusht nakoribo apuni ke. Ekta udharan hisab te, ekta hodaidin mudu kha laga kitya bi santusht nahoi, kiman bishi taimudu khaile bi aru bishi khabole bisare. Jun khan vyabisara te thake tai khan ke itu pora hi ses kori diye. Khara panikhaile kitya bi pyas ke nabujhabo utu manu laga; ulata itu pora tai khan ke bishi pyasa hi koribo.

Manu bi inika hi ase; aru polai thake khotom hua laga icha khan te, inika ekta harin polai bbhabna te. Tai polai itu khan prithibi laga icha te aru ses hoi jai, ekta chiti nishina juntu girre shehed laga dibba te.

Dusra hath te, amikhan laga Isor Jisu Krista jun thakishe icha Tai logote uthibole thakishe. tai morom pora Tai ke mate: “Ahibi Ami te, sob jun khan kaam korishe aru bhari bhar buki kene, aru Ami apuni ke ahram dibo”. (Matthew 11:28).

Kiman bi achurit uphar ase ki uphar jinda pani laga, aru itu avsar pabole ahram Isor  te. Pandit  Agustine pora koishe: “Ami laga atma berai thakishe itu ahram nathaka  prithibi te. Hoilebi juntu din te ami Isor ke, ami laga atma ahram korishe Tai te aru shanty paishe”.

Ami khan laga Isor Jisu koishe: “shanty Ami apuni te chari ase, Ami laga shanty apuni ke di ase; nahoi jinika itu prithibi apuni diye. Hobole nadibi apuni laga monke digdar, nahoilebi bhoi ke” (John 14:27).

Isor laga bacha khan, shanty juntu apuni bisariase pabo khali Isor Jisu te hi. Apuni laga atma pabo lage khali ahram hi Tai te hoilebi anondo ke bi Tai te pabo lage hodai din. Tini hoile apuni janibo itu dangor uphar ke ahram kora Isor te.

Aji bhabna koribole laga pobitro kotha tu hoile Isaiah 55:1 “oh, sob manu khan jun pyas lage, ahibi pani te; aru jun khan poisa nai, ahi kinibi aru khabi. Hoi, ahiibi, kinibi phal ras aru dudh bina poisa te aru bina kimat te” (Isaiah 55:1).