Nov 10 – Sarebasingan saring Gugudam!

“Bindo Hen opungtaben, sarebasingan saring butente jznjzn murdadam, Anin tedne daku” (Mattiu 12:6).

Anlen kuddublen bo surda ranadu-lingan daku Gamangtungan Jisu Kristun ahim-lingan. ahiman batte amben radulaben. Amben Jisun ahiman batte ahatenan adnang, ambendaman ahimdamten ranaptin do ranadun Kitungan apsele. Bo denna Pitor do Jon sarebasingba yirleji, aninji gijleji bo gardemar akarukudan saring.

Ajing lingan ranapti adakuad, orde amangan idjaja adakuad am’engnaben asan. Anin ateng asudale do amandardin lingan boi boi kalkal dele. Pitor a d’ongan gameten: “Ruppan do ranan mangba-hen agssa, dele janang itente mang-hen daku, antate hen tiytam. Najarita Jisu Kristun ahim lingan dzlen hana.

Bar Pitor anin a jandrumsin haman hamle anin a d’ong abdzeten, do tabdong anin a olajengan do matmatjenganji t’ulle. Kun sanamangan kuddub mandranji gijleji, rumangdaleji. Do Pitor abpungeaten, kan ate Kitungan ahiman batte dele gamle, kun batte radule do ranapti hangle kun gardemaran. “Bar ayengan a mandran amben a gijte do a galamte, anin Jisun ahim lingan a derren asan, anta ahiman anin a d’ong abt’uleten.

*Anappai Pol gamle anin lumle raptite ite janang ayengan a kristun rabdule. Angante Israel maranji misor desan saring dunglen yirreji, Paron a d’ongan ahamben asan sanu maranji do gardikuran appaile.

Israelmaranji a d’ong hamle adraptiadji sanumaranji, a ranaptinji batte. Bindo aninji Kitungan ahimlingan badturlinji. Angante Mojes a dangu hamle, j’ee ganungan batte kun Paron asanumaranji do agardikuranji anabs’idan dele.*

Mojes do amandranji batte Kitungan a d’ong abguguleji: “Gamangtungan ranapti-hen do sanenken-hen, bar Anin Rabrab-Mar-hen dele. Anin Kitung-hen do Anin a d’ong hen senkendratai. Kitungan amanglen derdernaba do Kristun Jisun ahiman abpemengba uggarlingben dile tordong. Anin jzbjzbneten itente amben agarte antate tiytaben ahimlingan, dernan batte. Ahiman radudam do ranaptidam.

Do amben anablu ahangte do kuddubben janang, angante amben ranaptin ahiman batte halen araptite. Tanahimdam Kitungan a onagji, Do anin tiyle bo surda labon a d’onganji.

Okiy Kinolbe absele: “Bindo Kuddub Saring Lanangka Kitungan s’in batte a sabjalen a sarebasing linganji addakune. Ettele tungmadgij mar gameten, Kitungan gamte, Ruang desa raja—garobgob-Hen bar ordar desan haradwb perda-Hen, anten asan iten a s’ingan Hen apsele a sabjate?.01de laywmna darakuna-Hen uan daku?” (Anappai 7:48-49).