Dec 11 – HINGBAGI MANGAL !

“Mangonda hingba leirammi,amasung hingba adu misinggi mangal oirammi. Mangal aduna amamabada ngalle amasung amamba aduna mangan adubu ngamde.” (John 1:4-5).

Eikhoigi  Prabhu Jesudi hingbagi mangalni. Mahakna swargagi mangal adu mahakpu koujaba misinggi thamoida houbinaba taibangda lakkhi. Aduna makhoina amambada nganduna misinggi thamoibu nganhannabani. Prabhu Jesuna madugi mangal adu pibiba ngammi. Nahak kaya matik pappi oirabbasu pibia ngammi.

Lairaba oirabasu inak khunba oirabasu aduga lairik laisu heiba heitaba khaide, Prabhu Jesubu lousingba mi khudingda madugi mangal adu pibigani.

Sastrana hairi, “madu taibangda lakliba mi khudingda mangal pibiriba hingbagi mangal aduni.” (John 1:9).

Mibu honghanba ngamba Jesugi thougangi damakta pakhonchatpa Paul aduna mapum phana pisinjarammi. Mahakna asumna laothoklammi, “lousing pumnamakka loinana eikhoina mi khudingbu cheksinhanduna amasung tambiduna mahakki maramda sandok-I,masi eikhoina mi khudingbu Chrita Jesuda mapung phana katchanabani.” (Colossians 1:28)

Iswargi machasing, nahakna Jesuda thajarabadi nahakki nungda leiriba hingbagi mangal adu tattana nganduna leiragani. Prabhuna amukka laktriba phaoba madugi mangal adu nganhangadabani. Madugi mangal adu tattana ngalhannaba Prabhuga tattana loinaba mathou tabani.

Iswarna mioibabu sembikhiba matamda mahakki mittamda semkhibani. Iswargi maong matou adu karino?eikhoina haiba ngamdrabasu Iswar asi Thawaini. Iswarna mioibabu leibaktagi sembiduna mahakki nungda hingbagi swar adubu kamsinbikhi. Aduna Sastrana asumna hairibani, “mioibagi thawai asi Prabhugi thaomeini,  hakchanggi nungda leiriba pumnamak thiri.” (Proverbs 20:27).

Nahakki thaomei asi tattana ngannaba Iswarbu thawai amadi   achumbada khurumgadabani. Jesuna hairammi, “pungpham adu lakli, aduga madu houjik oiri,achumba khurumbasingna mapa adubu thawaida amasung achumbada khurumjagani. Maramdi mahakpu khurumnaba mapa aduna asigumba misingbu thiri. Iswardi thawaini amasung mahakpu khjurumbasingna mahakpu thawaida amasung achumbada khurumgadabani.” (John 4:23-24).

Iswargi machasing, eikhoigi Iswarna asumna haidokli, “eihak taibangpanbi mangalni. Eibu thajariba misingna amambada chatloi,adubu hingbagi mangal adu phangjagani. ” (John 8:12).  Aduna na hakki punshigi mangal oiriba Iswar aduda ngasi laklo.

Dhyan tougadaba: “Maramdi yathangdi manganni, takpi tambiduna chumthokpadi hingbagi lambini.” (Proverbs 6:23).