Nov 23 – ABIRAM JHARNA PANI LAGA!

Isaiah 58:11 “apuni khan hobo ekta pani thaka bagicha nishina, aru jharna pani laga, jun laga pani abiram nahoi.”

Kiman bi kimti ase ashirbaad khan Isor laga! Aru itu khan sob ashirbaad khan dishe apuni khan ke apuni laga labh nimite. Jitya apuni mange itu ashirbaad khan ke, tai khan bhorta hoi apuni te koi Hoi aru Amen.

Kunuba jhil aru kuha khan bhorta thake pani pora, barikha laga mausam te; aru tai khan bonibo sukha gorom din te. Bishi nadi khan ase Tamilnadu  te, juntu bahe bhorta hoi kene barikha laga mausam te; aru pura sukha thake gorom din te. Itu ashirbaad khan ase tete olop homoi  nimite aru itu bodli hoi pura sukha te.

Hoilebi Isor laga bacha khan, kitya bi nasukhibo, nahoile kotom nahobo aru namoribo. Apuni khan jharna ase pani laga, jun laga pani kitya bi abiram nahoi. Isor laga ashirbaad khan kitya bi nasukhibo. Tai laga labh khan, daya aru ashirbaad khan kitya bi apuni ke nacharibo. Mahima koribi Isor ke, jun hi jor ase jibon laga. (psalm 36:9).

Jharna Isor laga hatai diye sob komi khan aru napungcha khan apuni laga jibon laga aru bhorta kore apuni ke Tai laga ashirbaad laga dhor pora. Ekbar ekta dangor napungcha laga hoishe ghorte ekta nabi laga vidvaah laga. Hoilebi Iosr pora bonaishe ekta dangor jharna tai laga borton  pora; itu thakishe jharna tel laga, aru itu ulai thakishe tel jitya tok sob borton bhorta hoanai. Jinika itu tel thakishe borton te, apuni logote ase chuni loa Pobitro Atma laga, jinika jharna. Amikhan laga Isor Jisu koishe:ki itu boni bo apuni te jharna pani laga, ulai thaka hodai din laga jibon nimite(Jibon 4:14).

Manu khan itu prithibi laga dukh pai ase aru mori ase pyas lagi kene; aru bisari ase ekdom lagi thaka nishina jibon laga jharna ke. Isor koi: “dukhiya aru lagi thaka khan bisare pani, hoilebi tate kun bi nai, tai khan laga jib  hare utu pyas karone. Ami, Isor, hunibo utu khan ke; Ami Isor Israel laga, nacharibo tai khan ke kitya bi. Ami khulibo nadi khan sunsan unchain te, aru jharna khan ghati laga majete; ami bonabo reth laga jaga ke ekta pani laga jaga, aru sukha mati pani ula laga” (Isaiah 42:17-18).

Khali Isor Jisu Krista hi bujhabole pare pyas apuni laga atma laga; Tai hi ase ekta jun  dibole paribo apuni ke jinda pani. Manu itu prithibi lagaga biare pyas khom hoi jaa saman khan laga khusi nimite, paap icha aru poisa khan; aru tai khan kitya bi santusht nahoi. Hoilebi ami khan laga Isor khali bujhai aru santusht kore apuni laga pyas ke, hoilebi bonai ekta jharna pani laga apuni te aru bonaia apuni ke rasta ashirbaad laga dusra manu khan karone. Isor laga bacha khan, mahima koribi Isor ke, kilekoile Tai binai she apuni ke jharna ashirbaad laga!

Aji bhabna koribole laga pobitro kotha tu hoile Proverbs 4:23 “rakhibi apuni laga monke dhyoyjyo pora, kilekoile bahar jharna laga ase samasya khan jibon laga.”