Nov 17 – PANI LAGA BAHAR!

Genesis 2:10 “toh tai matishe naam Moses laga, koi kene, “kilekoile ami ulaishe taike pani pora” (Genesis 2:10).

Moses thakishe ekta dikhibole para aru hodai din thakibole laga bhag ase Pobitro Kotha te. Bhorta hoi Isor laga atma pora, tai likhishe panchta poila itab pobitro kotha te. Tai thakishe eksau bis saal tok. Tai laga pura jibon te eksau bis saal laga, tinta bhag korishe challis saal hisab te.

Poila challis din te, tai ke matishe chokra Pharoah laga chukri laga, aru thakishe rajyo te. Pharaoh laga chukri paishe taike nadi Nile laga kinar e, aru palishe tai  ke nijor laga chokra nishina. “aru Moses shikhibo parishe sob budhi khan Egyptian manu khan laga aru tagot thakishe kotha aru kaam te bi” )Acts 7:22).

Jitya moses challis saal thakishe, tai dikhibole parishe bhar aru dukh khan tai laga manu khan laga. Tai d ikhishe egyp manu ke mari thaka Hebrew manu ke, tai laga bhai, aru tai morai dishe utu Egypt manu ke aru lukai dishe tai ke balu laga nichete. Jitya pharaoh hunishe itu kotha ke, tai bisarishe Moses  ke morabole. Hoilebi polaihse pharaoh laga chehra pora aru thakishe mati te miadian laga; bhra khan ke sai kene tai laga sasu baba  laga agla challis saal tok.

Aru tai laga ses challis din jibon laga, Moses loi jaishe Israel manu khan ke bandhi pora Egypt laga aru loi jaishe  tai khan kosom diya laga mati te canaan laga. Itu pura safar dikhaishe ghatna pora bhorta hua aru pahoribole napara laga. Israel manu khan ke  loi jaishe khuta pora badal laga aru khuta jui laga akaste aru Moses aru Aaron mati te. Moses thaishe duita asamanya anubhav jitya Israel manu khan ke loi jai thakishe; ki sai kene Isor laga mahima (exodus 33:21), aru ki Isor koi thaka tai ke kotha chehra pora chehra te (exodus 33:9).

Ekbar sabi tai laga bachpan ke, kiman achurit anubhav paishe tai laga piche jibon te. Tai laga ama kuchis korishe bachabole taike bonai kene nau jhar laga, rakhi kene tai ken au te tai jabole dishe tai ke nadi laga kinar kinar phine. Aru sob Israel khan chtkara paishe tai khan laga bandhi pora, kilekoile utu ama laga bachai diya kaam pora. Itu nau jhari laga jaga thakishe khali ekta shishu bacha Moses nimite – aru itu bachaishe tai laga jibon ke aru suraksha rakhishe taike.

Ami khan purishe aru ekta nau laga kotha juntu bachaishe tai laga manu khan ke uthi thaka baar pora; itu thakishe nau noa laga. Tai bonaishe utu nau ke tai laga pura porivaar nimite, aru janwar aru chiriya khan nimite bi. Aru utu nau nimite, pura athta sadasya Noah laga bachiboparishe.

Aru ekta nau ase; jinda nau; nau Krista Jisu laga. Ki nau ase itu mukti laga aru ituke bonaishe kimti khun pora juntu phelaishe Kruste calvary laga. Jokhom khan Isor Jisu laga hi kadam khan  utu nau te pungchibole laga. Isor laga bacha khan, nischit koribi ki apuni ke bi utu nau te pabo.

Aji bhabna koribole laga pobitro otha tu hoile Psalm 2:12 “moro koribi Chokra ke, nahoile Tai gussa hobo, aru apuni puchibo rasta te, jitya Tai laga gussa te olop hi daya thakibo. Ashirbaa ase tai khan ke jun khan rakhe tai khan laga biswas Tai uporte.”