Nov 15 – SHANTI NADI NISHINA!

Isaiah 66:12 “toh inika koi Isor pora: “thakibi, Ami barhai dibo shanty tai ke ekta nadi nishina, aru mahima gentiles khan laga ekta bahi thaka chutu nadi nishina.”

Bhabna koribi nadi te swarg laga bahi thaka apuni laga mon te. Aru apuni anubhav koribo iut achurit shanty ke Isor laga apuni ke bhorta kori kene aru sapha kori kene sob bhoi aru dukh khan ke apunilaga mon laga.

Bhagor apuni laga mon laga ekta dangor bimar ase juntu digdar diye bishi manu khan ke aji laga homoi te. Tai khan laga mon khan digdar pai najana laga karon pora. Tai khan bhugibole napare itu bhar khan ke tai khan laga samasya khan laga aru thake hodai din bhoi te, bhagor aru harija laga bhabna te.

Ekbar ekta dhon manu, mudu khabole laga adot lagi jaishe sathi khan logote, jitya tai digdar paishe bishi vyapar laga samasya te. Joldh hi tai mudu kha laga adot lagvi jaishe aru bhabna korishe ki itu pora tai samasya  khan pora polabole paribo. Aru ek din,  Isor taike chuishe utu stithi te aru tai graham korishe Krista ke tai laga raksahk aru Isor ase koi kene. Tai laga morom bahishe taite ekta nadi nishina. Itu laga natija te tai prathana kori thakishe, tai bhorta hoishe Pobitro Atma pora. Kilekoile tai  paishe itu achurit shanty ke swarg laga nadi pora, tai giri thakanai jitya tai samsaya dikhishe vyapar te.

Aru ekta bhai thkaishe, jun khai ghumabo para laga dawai, tai laga bhabna khan ke pahoribole. Aru joldh hi, tai ekta natija te pungchishe ki ghumabole laga dawai hi ekta rasta hoishe tai pabole shanty aru ahram ke tai laga mon te. Tai laga ekta sathi salha dishe taike, itu koi kene: ‘ghuma laga dawai kitya bi samasaya laga hal nahoi. Juntu homoi  apuni bahar ahibo itu  dawai laga adot pora; utu eki samaya aru bi apuni agete thakkibo. Itu karone, ahibi isor Jisu te; khali Tai dibo paribo shanty ekta nadi nishina. Tai hi ekta ase jun dibole paribo apuni ke shanty; itu duniya nishina nahoi hoilebi Isor laga shanty, juntu apuni  pora kitya bi lobule naparibo.

Ami khan laga Isor Jisu hi Shanti laga rajkumar ase. (Romans 15:33). judi bi itu ekla laga hisab te ase nahoile bi pura manu karone itu porivaar laga, nahoilebi desh laga – khali Isor Jisu hi dibo pare shanty; shanty nadi nishina. Pobitro kotha te koi: “apuni pora taike rakhibo thik shati te, jun laga mon Apuni te, kilkoile tai Apuni ke biswas kore” (Isaiah 26:3).

Isor laga bacha khan sabi Isor Jisu ke – pahar jote apuni laga modot ahe. Hobole dibi himina nathaka achurit shanty apuni laga monte. Aru apuni laga uljhan, digdar  khan aru bhoi khan sapha hoi jabo aru apuni laga mon bhorta hobo anondo pora Isor laga.

Aji bhabna koribole laga Pobitro kotha tu hoile: “oh, ki apuni loishe Ami laga adesh khan! Tini hoile apuni laga shanty juntu hobo nadi nishina, aru apuni laga hosa hobo ekta leher hagor laga”. (Isaiah 48:18).