Nov 09 – CHARTA NADI MATHA!

GENESIS 2:10 itya ekta nadi ulai Eden pora pani dibole bagicha ke, aru tate pora itu bhag hoi aru bone charta nadi matha”.

Ekta nadi ulai eden laga baharte aru itu bhag hooi jai charta nadi mathate, aru itu bhae charta alag dish ate. jinika Isor Jisu die ekta uddesh itu alag alag nadi matha ke, Tai ekta thik uddesh ase apuni laga atmakarik jibon karone. Jinika itu nadi eden te bhag hoi charta dish ate, tate charta kartavya ase chuni loa naukar khan karone Isor laga.

Ami khan laga Isor Jisu koishe , “hoilebi apuni pabo shakti jitya Pobitro atma apuni uporte; aru apuni gawahi hobo Ami laga Jerusalem te, aru sob Judea te aru samaria te, aru itu prithibi laga ses tok”. (Acts 1:8). Apuni thakibo ekta gawahi nishina itu charta jagate juntu koi kene ase podh te, namak: Jerusalem, Judea, Samaria aru prithibi laga ses tok.

Poila Jerusalem. Jerusalem motlob ‘shanti’; aru itu pora dikhai apuni ke aru apuni laga porivaar ke. Jita Pobitro Atma apuni tea he, itu baar ane apuni laga atma te ekta nadi nishina; Isor laga shanty logote. Pobitro Kotha te koi: “tiitya apuni laga shanty hobo ekta nadi nishina, aru apuni laga hosa ekta leher hagor laga” (Isaiah 48:18).

Apuni laga jibon tu samridh hobo achurit shanty pora, utu hadh tak apuni bhorta hobo Pobitro Atma pora. Jitya apuni pai utu achurit shanty ke, apuni kobo lage Shubh Samachar  ke, juntu rasta bonaishe Isor laga shanty laga. Pobitro Kotha te  koi: “kiman sundor pahar khan te theng tai laga jun ane shubh samachar, jun koi shanty ke, jun ane khushi laga leher, jun prachar kore mukti ke, jun koi Zion ke , “apuni laga Isor raj kore!” (Isaiah 52:7).

Dusra, Judea. Jedea motlob ‘mahima Isor laga’. “Jitya Leah jonom dishe tai laga chauta chokra ke, tai koishe: ‘itya ami mahima koribo Isor laga’. Itu karone, tai mate tai laga naam ke Judea” (Genesis 29:35)mahima kora Isor ke hobo lage sadharan kartavya sob chuni loa Isor laga bacha khan karone.

Tisra, Smaria. Samaria motlob dikhai piche jai loa manu khan Iosr laga. Itu hobdo ‘Samaria’ motlob ‘pehra laga minar’. Ekta chuni loa naukar hoi kene Iosr laga, apuni khan kartavya ase khara koribole ekta pehra diya mianar nishina aru prathana koribole thik kotha di kene Isor laga manu khan karone.

Chautha, prithibi laga ses  tok. Itu kotha koi Subh Samachar ke Napuncha khan tok; pungchibole napungcha khan ke, prachar kori kene subh samachar muktilaga aru anibole tai khan ke Isor logote. Isor laga bcah khan, ki apuni bi ekta thik kotha dibo jabole itu charta dish ate aru bukibo apuni laga mantralay Isor nimite?

 Aji bhabna koribole laga pobitro kotha tu hoile Matthew 28:20 “shikhai diya tai khan ke sabole sob saman khan juntu Ami apuni ke adesh dishe; aru sabi, Ami apuni logote ase hodai din, itu umar laga ses tok.”