Nov 06 – NADI JORDAN!

Genesis 32:10 ami kimti nahoi itu daya khan laga aru sob hosa khan juntu apuni dikhaishe apuni laga naukar ke; kilekoile ami paar korish Jordan kea mi laga lathi pora, aru itya ami khan duita bhag hoishe.”

Itu upor laga podh te, ami khan dikhe monbhora dhonyobad  Jacob laga. Tai hara  nai aru lobule jitya tai paar korishe tai Ndi Jordan ke, iku logote nahoi hoilebi ekta lathi logote tai laga hath te. Tai pahoranai utu din khan ke jitya tai – ekta jawan manu, beraishe ekla jongol te age laga din te kihobo najani kene.

Isor hoilebi hosa pora ashirbad dishe Jacob ke iku logote nahoi hoilebi ekta lathi loi kene tai laga hath te. Isor dishe tai ke hazar janwar khan palibole, bishi naukar aru naukar maiki khan, aru barohta bacha. Itu karone, Jacob saishe Isor ke dhonyabad mon pora aru mahima korishe Taike koishe, “ami nahoi itu daya khan laga aru sob hosa khan juntu apuni dikhaishe apuni laga naukar ke; kilekoile ami paar korish Jordan kea mi laga lathi pora, aru itya ami khan duita bhag hoishe.”

Jordan dangor ase alag nadi khan pora Israel laga. Itu kotha ‘Jordan’ mane ‘nadi juntu bahe nichete’. Itu ulai ekta jharna pora pahar hermon te, paar kore galilee laga hagor pora, jai arubi sixty-five mil utu mora hafor te nagira agote. Ses jaga utu nadi Jordan laga ase teen hazar feet niche itu ula laga jaga pora. Itu laga. Itu laga natija te, itu bahe bishi tezi pora. kilekoile Jordan  bahe bhorta hoi kene itu laga pura kinar khan dhan laga homoi te. (Joshua 3:15).

Jitya jacaob paar kore utu nadi ke, ki tai laga hath te thakishe koile tu khali ekta lathi hi thakishe. Ki jani tai bhabna korishe itu ke Isor laga lathi koi kene. Tai nirbhar korishe utu lathi te aru paar korishe Israel te. Apuni khan Isor ke hi nirbhar koribo lage, jitya bi dangor samasya khan ahe apuni laga jibon te. Thakibi taan pora dhuri kene Isor lag kosom khan ke. Agh barhi thakibi itu jani kene ki Isor thakibo apuni logote hodai din. Aru jitya apuni itu kore, apuni hosa bi mahima koribo aru dhonyobad dibo lage utu sob labh khan karone juntu apuni paishe, jinika Jacob dishe.

Utu lathi juntu Jacob nirbhar korishe utu Isor laga kosom thakishe. Isor koishe, “thakibi, Ami apuni logote ase aru rakhibo apuni ke jote bi apuni jaile, aru anibo apuni ke was itu mati te; kilekoile Ami nacharibo apuni ke Ami laga kaaam khotom nahua tok juntu Ami apuni ke koishe” (Genesis 28:15). Isor wafadar thakishe Tai laga kosom te,a ru modot korishe Jcob ke unatti koribole ar dibole Taike duita company. Isor laga bacha khan, Jacob laga Isor bi apuni ke loi jabo aru rasta dikhabo.

Aji bhabna koribole laga pobitro kotha tu hoile Psalm 116:12-13 “ki dibo ami Isor ke Tai laga sob labh khan karone ami karone? Ami lobo itu cup muki laga aru matibo naam ke Isor laga”.