Nov 04 – NADI EUPHRATES!

Genesis 2:14 chauta nadi tu Euphrates ase Ami khan iku bi thik jankari nai itya laga naam aru jaga laga utu charta nadi matha laga juntu Eden laga bagh pora ulaishe. Hoilebi ekta  nadi juntu paishe bishi baar koi kene PObitro kohta te, itu nadi Euphrates ase- juntu itya bi tat ease.

Jitya Isor kosom dishe Ekta mati ke Abraham ke dibole, Tai china dishe nadi Euphrates ke itu laga himina hisabte. “utu din te hi Isor ekta kosom dishe abram ke, itu koi kene: “apuni laga khandan khan Ami dishe itu mati, ekta nadi pora Egypt laga ekta dangor nadi tok, Nadi Euphrates tok” (Genesis 15:18). Abraham ke ki kosom dile bi, ami khan bi bhag ase utu iki utaradhikari laga, khemai pora!

Itu kotha ‘euphrates’ matlobo ‘bhal-daik’. Jitya nadi Pobitro Atm laga bahe apuni te; apuni pai uphar khan Atma laga aru phal-daik jibon thake utu Atma pora. Bishi Christian pracharak khan jun koi Atma laga uphar khan laga, nakoi Atm alga phal khan ke.

Hoilebi ami khan laga Isor akha kore bisaribole phal ke Atma laga apuni te, bishi te Atma laga uphar khan pora bi. Bishi bhag Pobitro kotha te, ami khan pore Isor ah ease bisari kene Atma laga phal apuni te. Sob gash juntu phal nadhure utu ke kati kene jui te jolai diye. Ami khan itu karone, phal dhure juntu kimti ase galti swikar karone (Matthew 3:8). Jitya jharna mukti laga ulai ahibo apuni pora, apuni hosa bi phal dhuribo Isor pora.

Isor akha kore bhal phal apuni pora. Jitya apuni ulai tita phal, Isor laga mon tu dukh hoi. Aru jitya apuni diye bhal phal, tai chuni kene hatai diye jitu rukhai ase apuni laga barhi thaka te, taki apuni arubi bishi phal dhuribole (John 15:2). Sob bhal gash dhure bhal phal; kilekoile ekta gash ke tai laga phal pora hi jane (Matthew 12:33). Itu karone itu bishi zaroori apuni karone phal dhuribole.

Tisra tu hoile apuni khan  narukhi bo lage khali ekta aru duita phal pora aru tate pora phal dhuribole. Tai shrap dishe dimoru gash ke bi juntu ekta bi phal dhoranai. Hoilebi jitya apuni phal dhuribol shuru hoi, Tai pora utsah diye aru bi bishi phal dhuribole. Apuni khan bhorta phal dhuribo, utu barhabole apuni thakibo lage mili kene Krista logote. Ami khan laga Isor Jisu Krista koi, “Ami hi lota ase; aru apuni theni khan. Tai jun Ami te ase, aru Ami tai  te, dhure bishi phal” (John 15:5).

Bishi alag phal khan bi ase untu apuni anibo lage Isor karone. Itu te ase phal hosa thaka laga (Phillipians 1:11), daan mahima laga Isor ke, juntu ase, phal ami khan laga mukh  laga (Hebrews 13:15), aru phal Atma laga (Glatians 5:22). Isor laga bacha khan, apuni hosa bi bishi phal daik hobo, judi nadi Pobitro Atma laga apuni te bahe.

Aji bhabna koribole laga pobitro kotha tu hoile Psalm 1:3 “tai hobo ekta gash juntu ke lagaishe nadi laga kinarte, junlaga pata bi nasukhibo; aru Tai ji korile bi unnati hobo.” Psalm 1:3