Nov 02 – NADI GIHON!

Genesis 2:13 “naam dusra nadi laga Gihon ase.”

Itu bishi labdaik hobo ami khan laga atma laga jibon karone, bhabna koribole rahasyamai khan nadi khan laga eden laga. Itu kotha Gihon matlob khushi thaka ase.

Jitya manu khan dukh thake, tai khan laga suku pani pora bhorta hoi. Jitya bhabna nakora ghat na khan hoi ghorte, apuni gussa hoi jai. Aru jitya manu khan biya kaam te lagi jai, itu pora apuni ke pareshan kori diye. Hoilebi jitya Pobitro Atma apuni tea he, apuni bhorta hoi khushi pora.

Pobitro kotha te koi, “tai khan pura santusht hoi bhorta hua ke Apuni laga ghor, aru apuni tai khan ke jal diye nadi laga Apuni laga khushi laga. Apuni te hi ase jharna jibon laga” (Psalm 36:8-9).

Ami khan laga Isor Jisu Krista ahishe prithibi te, anibole utu nadi khushi laga. Tai ahishe nichete tel dibole sahuk manay  thaka khan karone, dibole kapra mahima laga atma bhari khan laga, aru sundarta rakh karne. Jitya anondo Atma laga ahe apuni te, swarg rajyo apuni te.

Itu kobole napara laga aru mahima janak anondo apuni pora kitya bi lobule naparibo. Aru iku dukh pora bi itu anondo ke paar koribole naparibo. Aru itu anondo dhulai dibo apuni laga tita ke, nakaratmak utsah aru gussa ke. Itu swarg laga nadi loi jabo apuni laga napungcha ke.

Jitya kartar singh; Isor laga naukar prachar kori thakishe Tibet te, Lamas pora dhuri rakkhishe taike aru taike atyachar korishe. Tai khan chenda korishe tai laga gau ke lal loha rod khan pora.

Hoilebi tai khan achurit hoishe pabole Kartar Singh ke Isor mahima kori kene, Tai ke charibole laga badly te, iman dukh pai thaka laga homoi te bi. Itu chief Lamas hudishe kinika  tai iman khkushi ase iman dukh aru biya laga homoi te bi. Itu laga jawab te Kartar Singh koishe: “Sir, ekta nadi ase anondo laga jai thaka. Aru utu nadi bujhai sob dard itu groom loha rod laga, thanda kore ami ke aru bhorta kore ami ke khushi pora.

Isor lag bacha khan, hobole dibi itu nadi anondo laga apuni te, khushi koribole apuni laga mon, jitya apuni thake dukh laga prithibi te. Hobole dibi utu nadi anibole dangor anondo apuni laga mon te!

Aji bhabna koribole laga pobitro kotha tu hoile Psalm 45:7 “apuni morom kore hosa ke aru biya pai biya khan ke; itu karone Isor , Apuni laga Isor, pora chunishe Apuni ke tel pora khushi hoi kene Apuni laga sathi khan pora bi.”