Oct 22 – PAHARKHAN!

Psalm 12:1 “ami uthabo ami laga suku upor paharte – jote pora ami laga  modot ahe?”

Uthabole apuni laga suku khan, upor paharte jote apuni modot pai, bi ekta bhag ase prathana laga. Apuni kityabi jor awaz pora prathana kora hi prathana ase bhabna nakoribo lage. Sai kene Isor ke, utsukta pora akha kori kene itu bi ekta prathana hi ase.

Raja david pora manu laga anugrah, nahoilebi tai khan laga chehra khan, nahoilbi chehra khan utu podh thaka khan nahoile dhon khan laga. Tai laga suku khan khali sai Isor ke jun nirmaan korishe swarg aru prithibi.

Eksau pachas psalm pobitro kothha te ase, tinta ke mane bishi zaroori. Psalm 23, jote koi; “isor hi ami laga charwaha ase’, psalm 91; ji pora kotha koi bachai diya laga thaki kene Isor laga maujudgi te, arupsalm 121; juntu psalm sai ase Isor laga modot. Itu psalm khan liki ken ease bhal pora mon te Christian laga monte chutu umor pora.

Raja david dikhai pahar khan koi kene. Itu hosa te ekta pahar hi ase, titnta bhag te. Jinika Isor ekta ase, hoilebi modot ahe tinta alag  rasta pora – Baba Isor, Isor Jisu Krista laga  aru pobitro atma laga.

Apuni pai morom, tagot aru dhairya Baba Isor pora. Aru anugrah, daya Isor Jisu krista pora. Tai laga imti khun phelaishe calvary te apuni karone ekta nadi nishina sapha koribole aru milibole Isor logote.a ru pobitro atma pora; apuni pai chuni loa, phal khan aru uphar khan pobitro atma laga.

Aji laga khas verse tu, English version pora iman sundor pora koi ki ami khan modot pai khali Isor pora. Itu pora sapha pora koi; ki ami laga modot manu pora nahibo junk e ami pothor nishi rukhishe; hoilebi khali Iosr  pora – jun pora bonaishe swarg aru prithibi.

Poila laga din te, apuni akha kore manu ke,aru rakhe apuni laga biswas tai khan uporte, modot koribole. Hoilebi pahar khan aru pathor khan hari jabo. Hoilebi, ses te, apuni khali aru nirash hoi kene thaki jai.

Isor apuni ke koi, “pahar khan par hoi jabo aru hatai dibo, hoilebi ami laga daya apuni por alag nahobo, nahoilebi ami laga kosom shanty laga hatai nadibo, koi Isor pora, jun apuni te daya ase” (iIsaiah 54:10)

Isor laga bacha khan, kun uporte apuni bharosa kore? Ki apuni rakhe apuni laga biswas manu te nahoile Iosr te? Ki itu kothom hoi ja laga saman te ase na Isor te – jun laga daya kitya bi khotom nahoi?

Aji bhabna koribole laga pobitro kotha tu hoile psalm 125:2 “pahar nishina gherav koribi Jerusalem ke, ki Iosr gherav koribo Tai lagamanu khan ke utu homoi pora hodai din karone”.