ਅਕਤੂਬਰ 21 – ਇੱਕੋ ਸੰਪੂਰਨ!

“ਮੇਰੀ ਕਬੂਤਰੀ, ਮੇਰੀ ਨਿਰਮਲ, ਇਕਲੌਤੀ ਲਾਡਲੀ”(ਸਰੇਸ਼ਟ ਗੀਤ 6:9)।

ਸਾਡੇ ਪ੍ਰਭੂ ਦੇ ਉਪਦੇਸ਼ ਨੂੰ ਸੁਣਨ ਦੇ ਲਈ ਪੰਜ ਹਜ਼ਾਰ ਲੋਕ ਪਹਾੜ ਉੱਤੇ ਚੜ੍ਹ ਗਏ। ਪੰਜ ਸੌ ਨੇ ਰੂਹਾਨੀ ਦਰਸ਼ਨ ਪ੍ਰਾਪਤ ਕੀਤੇ। ਇੱਕ ਸੌ ਵੀਹ ਜੋ ਪਵਿੱਤਰ ਆਤਮਾ ਪ੍ਰਾਪਤ ਕਰਨ ਦੇ ਲਈ ਉੱਪਰਲੇ ਕਮਰੇ ਵਿੱਚ ਠਹਿਰੇ ਸਨ। ਸੱਤਰ ਲੋਕ ਪ੍ਰਚਾਰ ਕਰਨ ਦੇ ਲਈ ਨਿਕਲੇ। ਬਾਰ੍ਹਾਂ ਨੇ ਆਤਮਿਕ ਵਰਦਾਨ, ਸ਼ਕਤੀ ਅਤੇ ਅਧਿਕਾਰ ਪ੍ਰਾਪਤ ਕੀਤਾ। ਤਿੰਨ ਪ੍ਰਭੂ ਦੇ ਨਾਲ, ਪਰਿਵਰਤਨ ਦੇ ਪਹਾੜ ਉੱਤੇ ਚੜ੍ਹ ਗਏ। ਪਰ ਯਹੋਵਾਹ ਨੇ ਉਨ੍ਹਾਂ ਵਿੱਚੋਂ ਕੇਵਲ ਇੱਕ ਨੂੰ ਸੰਪੂਰਨ ਅਤੇ ਧੋਖੇ ਤੋਂ ਰਹਿਤ ਪਾਇਆ; ਜੋ ਕਿ ਰਸੂਲ ਯੂਹੰਨਾ ਸੀ।

ਮਸੀਹੀ ਜੀਵਨ ਵਿੱਚ ਸਭ ਤੋਂ ਉੱਤਮ ਤਜ਼ਰਬਾ ਹੈ, ਪ੍ਰਭੂ ਨੂੰ ਆਪਣੀ ਆਤਮਾ ਦੇ ਪ੍ਰੇਮੀ, ਅਤੇ ਲਾੜੇ ਦੇ ਵਜੋਂ ਚੱਖਣਾ। ਉਜਾੜ ਦੇ ਇਸ ਜੀਵਨ ਵਿੱਚ, ਇਹ ਉਸ ਦੀ ਛਾਤੀ ਉੱਤੇ ਆਰਾਮ ਕਰਨ ਅਤੇ ਉਸ ਦੇ ਪਿਆਰ ਵਿੱਚ ਅਨੰਦ ਹੋਣ ਦਾ ਆਖ਼ਰੀ ਤਜ਼ਰਬਾ ਹੈ।

ਪ੍ਰਮੇਸ਼ਵਰ ਦੇ ਬੱਚਿਓ, ਜਦੋਂ ਪ੍ਰਭੂ ਤੁਹਾਨੂੰ ਦੇਖਦਾ ਹੈ, ਤਾਂ ਕੀ ਤੁਸੀਂ ‘ਮੇਰਾ ਕਬੂਤਰ, ਮੇਰਾ ਸੰਪੂਰਨ’ ਕਹਾਉਣ ਦੇ ਯੋਗ ਹੋਵੋਂਗੇ?

“ਉਨ੍ਹਾਂ ਵਿੱਚੋਂ ਇੱਕ ਚੇਲਾ ਜਿਸ ਨੂੰ ਯਿਸੂ ਪਿਆਰ ਕਰਦਾ ਸੀ, ਉਸ ਨੇ ਯਿਸੂ ਦੀ ਛਾਤੀ ਨਾਲ ਢਾਸਣਾ ਲਾਇਆ ਹੋਇਆ ਸੀ”(ਯੂਹੰਨਾ ਦੀ ਇੰਜੀਲ 13:23)। ਉਹ ਹਮੇਸ਼ਾ ਪ੍ਰਮੇਸ਼ਵਰ ਦੇ ਪਿਆਰ ਨਾਲ ਭਰਿਆ ਹੋਇਆ ਰਹਿੰਦਾ ਸੀ, ਅਤੇ ਆਪਣੇ ਆਪ ਨੂੰ ‘ਉਹ ਚੇਲਾ ਜਿਸਨੂੰ ਯਿਸੂ ਪਿਆਰ ਕਰਦਾ ਸੀ’ ਕਹਾਉਣ ਵਿੱਚ ਮਾਣ ਮਹਿਸੂਸ ਕਰਦਾ ਸੀ। ਕਲਵਰੀ ਦੀ ਸਲੀਬ ਦੇ ਥੱਲੇ, ਉਸਦੇ ਸਾਰੇ ਚੇਲੇ  ਤਿੱਤਰ-ਬਿੱਤਰ ਹੋ ਗਏ। ਪਰ ਯੂਹੰਨਾ ਅੰਤ ਤੱਕ ਪ੍ਰਭੂ ਉੱਤੇ ਨਿਰਭਰ ਰਿਹਾ। ਅਤੇ ਯਿਸੂ ਨੇ ਆਪਣੀ ਮਾਂ ਨੂੰ ਯੂਹੰਨਾ ਦੇ ਹੱਥ ਵਿੱਚ ਸੌਂਪ ਦਿੱਤਾ, “ਵੇਖ ਇਹ ਤੇਰੀ ਮਾਤਾ ਹੈ।” ਤਾਂ ਇਸ ਤੋਂ ਬਾਅਦ ਉਹ ਚੇਲਾ ਯਿਸੂ ਦੀ ਮਾਤਾ ਨੂੰ ਆਪਣੇ ਘਰ ਆਪਣੇ ਲੈ ਗਿਆ”(ਯੂਹੰਨਾ ਦੀ ਇੰਜੀਲ 19:27)।

ਇੰਨਾ ਹੀ ਨਹੀਂ। ਕਿਉਂਕਿ ਪ੍ਰਭੂ ਨੇ ਯੂਹੰਨਾ ਨੂੰ ਸੰਪੂਰਨ ਅਤੇ ਵਫ਼ਾਦਾਰ ਪਾਇਆ, ਉਸਨੇ ਰਸੂਲ ਯੂਹੰਨਾ ਨੂੰ ਸਵਰਗ ਦੇ ਭੇਦ ਵੀ ਦਿੱਤੇ, ਜਦੋਂ ਉਹ ਪਾਤਮੋਸ ਟਾਪੂ ਉੱਤੇ ਸੀ। ਰਸੂਲ ਯੂਹੰਨਾ ਦੇ ਦੁਆਰਾ ਹੀ ਪ੍ਰਕਾਸ਼ ਦੀ ਪੋਥੀ, ਲਿਖੀ ਗਈ ਸੀ। ਤੁਹਾਨੂੰ ਵੀ ਉੱਪਰ ਜਾਣਾ ਚਾਹੀਦਾ ਹੈ ਅਤੇ ਪ੍ਰਭੂ ਤੁਹਾਨੂੰ ਅਜਿਹੇ ਭਰੋਸਾ ਅਤੇ ਪ੍ਰਕਾਸ਼ ਪ੍ਰਦਾਨ ਕਰੇ, ਅਤੇ ਤੁਹਾਨੂੰ ਸਵਰਗੀ ਪ੍ਰਕਾਸ਼ ਨਾਲ ਭਰ ਦੇਵੇ!

ਪਵਿੱਤਰ ਸ਼ਾਸਤਰ ਕਹਿੰਦਾ ਹੈ: “ਯਹੋਵਾਹ ਦੇ ਪਰਬਤ ਉੱਤੇ ਕੌਣ ਚੜ੍ਹੇਗਾ, ਅਤੇ ਉਸ ਦੇ ਪਵਿੱਤਰ ਸਥਾਨ ਵਿੱਚ ਕੌਣ ਖੜ੍ਹਾ ਹੋਵੇਗਾ? ਉਹ ਜਿਸ ਦੇ ਹੱਥ ਪਾਕ ਅਤੇ ਮਨ ਪਵਿੱਤਰ ਹੈ, ਅਤੇ ਜਿਸ ਨੇ ਆਪਣਾ ਜੀਅ ਬਦੀ ਵੱਲ ਨਹੀਂ ਲਾਇਆ, ਅਤੇ ਛਲਣ ਲਈ ਸਹੁੰ ਨਹੀਂ ਖਾਧੀ। ਉਸ ਨੂੰ ਯਹੋਵਾਹ ਵੱਲੋਂ ਬਰਕਤ ਅਤੇ ਆਪਣੇ ਮੁਕਤੀਦਾਤੇ ਪਰਮੇਸ਼ੁਰ ਕੋਲੋਂ ਧਰਮ ਮਿਲੇਗਾ”(ਜ਼ਬੂਰਾਂ ਦੀ ਪੋਥੀ 24:3,4,5)।

ਤੁਹਾਨੂੰ ਸੰਪੂਰਨ ਪਾਇਆ ਜਾਣਾ ਚਾਹੀਦਾ ਹੈ। ਤਦ ਯਹੋਵਾਹ ਨੇ ਅਬਰਾਹਾਮ ਨੂੰ ਦਰਸ਼ਨ ਦੇ ਕੇ ਉਸਨੂੰ ਕਿਹਾ, “ਮੈਂ ਸਰਬ ਸ਼ਕਤੀਮਾਨ ਪਰਮੇਸ਼ੁਰ ਹਾਂ। ਤੂੰ ਮੇਰੇ ਸਨਮੁਖ ਚੱਲ ਅਤੇ ਸੰਪੂਰਨ ਹੋ। ਮੈਂ ਆਪਣਾ ਨੇਮ ਆਪਣੇ ਅਤੇ ਤੇਰੇ ਵਿੱਚ ਬੰਨ੍ਹਾਂਗਾ ਅਤੇ ਮੈਂ ਤੈਨੂੰ ਹੱਦੋਂ ਬਾਹਲਾ ਵਧਾਵਾਂਗਾ”(ਉਤਪਤ 17:1,2)। ਤੁਹਾਨੂੰ ਵੀ ਪ੍ਰਭੂ ਦੇ ਅੱਗੇ ਨਿਰਦੋਸ਼ ਚੱਲਣਾ ਚਾਹੀਦਾ ਹੈ ਅਤੇ ਕਬੂਤਰ ਦੇ ਵਾਂਗ ਧੋਖੇ ਤੋਂ ਰਹਿਤ ਹੋਣਾ ਚਾਹੀਦਾ ਹੈ।

ਕਬੂਤਰ ਵਿੱਚ ਕੋਈ ਛਲ ਨਹੀਂ ਹੁੰਦਾ, ਅਤੇ ਨਾ ਹੀ ਉਸ ਵਿੱਚ ਕੋਈ ਕੁੜੱਤਣ ਹੁੰਦੀ ਹੈ। ਇਹ ਚੱਟਾਨ ਦੀਆਂ ਦਰਾਰਾਂ ਵਿੱਚ ਰਹਿੰਦਾ ਹੈ ਅਤੇ ਹਮੇਸ਼ਾ ਹੰਝੂ ਭਰੀਆਂ ਅੱਖਾਂ ਨਾਲ ਪੁਕਾਰਦਾ ਹੈ। ਕਬੂਤਰ, ਬਹੁਤ ਸਾਰੇ ਰੂਹਾਨੀ ਗੁਣਾਂ ਨੂੰ ਦਰਸਾਉਂਦੇ ਹਨ। ਪਵਿੱਤਰ ਆਤਮਾ ਵੀ ਸਿਰਫ਼ ਇੱਕ ਕਬੂਤਰ ਦੇ ਰੂਪ ਵਿੱਚ ਪ੍ਰਭੂ ਯਿਸੂ ਉੱਤੇ ਉਤਰਿਆ। ਅੱਜ ਪ੍ਰਭੂ ਤੁਹਾਨੂੰ ਬੁਲਾ ਰਿਹਾ ਹੈ ਕਿ ਤੁਸੀਂ ਉਸਦੇ ਕੋਲ ਕਬੂਤਰ ਦੀ ਤਰ੍ਹਾਂ ਉੱਡੋ।

ਅਭਿਆਸ ਕਰਨ ਲਈ – “ਮੇਰੇ ਪ੍ਰੇਮੀ ਨੇ ਮੈਨੂੰ ਉੱਤਰ ਦੇ ਕੇ ਆਖਿਆ, ਮੇਰੀ ਪ੍ਰੀਤਮਾ, ਮੇਰੀ ਰੂਪਵੰਤੀ, ਉੱਠ ਤੇ ਚੱਲੀ ਆ, ਕਿਉਂ ਜੋ ਵੇਖ, ਸਰਦੀਆਂ ਲੰਘ ਗਈਆਂ ਹਨ, ਮੀਂਹ ਵੀ ਪੈ ਕੇ ਚਲਾ ਗਿਆ ਹੈ”(ਸਰੇਸ਼ਟ ਗੀਤ 2:10,11)