Oct 19 – UPHAR DIYA BAROTA!

Matthew 10:1 “aru jitya matishe tai laga barohta ke, Tai dishe taikhan ke shakti biya atma khan uporte, tai khan ke ulai dibole, aru changai koribole sob kisim laga bimar khan ke aru sob kisim laga rog khan ke.’

Utu barohta chela khan khushi pora agete ahishe pabole uphaar khan, shakti aru adhikaar ke. Aru Isor pora adesh dishe tai khan ke changai koribole bimar khan ke, sapha koribole kustrog thaka khan, anibole jibon te mora khan ke aru khedai dibole biya atm akhan ke.

Bishi bhag laga Christian manu khan itu uphar atma laga bhabna kore likha te hi ase ekla. Ki bhabna koribo apuni khan ekta chokra laga, jun icha nakore janibole jankari khan ke tai laga baba laga sapatti khan ke juntu tai logote ase. Tai khan itu bi najane  kote itu sampatti khan ase!

Pobitro kotha te koi, “itya bhabna koribole atma laga uphar khan, bhai, Ami apuni ke najanai kene thakibo mon nai” (1 corinthians 12:1). Bishi alag alag uphar khan ase, hoilebi  iki Atma. Alag alag mantralay ase, hoilebi iki Isor ase. Aru bishi alag alag kaam ase, hoilebi itu iki Isor hi ase jun kaam kore sobte.

“hoilebi Atma kaam kora tu  di ken ease sobke labh pabole: kilekoile ekjon ke di ken ease kotha gyan laga Atma pora, dusra ke kotha budhi laga utu iki Atma pora, aru alag ke biswas utu iki Atma pora, alag ke uphar diye changai laga utu iki Atma pora, alag ke achurit kaam kora laga, alag ke dristi dekha laga , alag ke janibole atm akhan, alag kea lag alag bhasha koa laga, alag ke itu bhasha laga matlab koi diya laga” (1 Corinthians 12:7-10).

Isor rakhi ken ease itu sob atma laga uphar khan ami khan karone. Ki jani apuni khan shak thakibo apuni laga mon te, aru hude judi Isor apuni ke inika atma laga uphar dibo, jun korishe iman dangor paap khan aru khara korishe khilaf te Isor laga icha agete poila laga din te. Hoilebi Pobitro kotha te koi, “apuni khan uthishe unchain te; apuni por bondhi khan ke bandhe; apuni paishe uphar manu khan laga majete, kotha namana khan bi ki Isor tate thakibo pare” (Psalm 68:18). Isor pora di ase inika atma lag uphar khan jun khan kotha namana thakishe.

Apuni bi utu utsukta thakibo juntu Elisha logote thakishe pabole atma laga uphar khan. Tai  cholaishe Elijah ke, khalitai laga atma karone aru tagot karone, hoilebi dui guna bhag tai laga atma laga uphar khan ke. Tai charishe sob tai laga uttamta aru bisarishe Elijah ke, aru tayar thakishe iku bi balidaan dibole aru berabole muskil rasta te. Aru ses te, paishe duiguna bhag atma laga uphar te. Isor laga bacah khan, aji pura prithibi rukhi ase achurit khan ke. Ki apuni kaam koribo apuni laga atma laga uphar pora, dikhabo apuni laga atma laga phal khan ke aru anibo bishi atma khan ke Isor te?

Aji bhabna koribole laga pobitro kotha tu hoile Acts 10:38 “kinika isor chunishe Jisu Nazareth laga Pobitro Atma logote aru shakti logte, jun kuri kene jaishe bhal aru changai jun khan dabhni kene thakishe satan pora , kilekoile Isor tai logote thakishe”.