Oct 20 – Yagi Bananda Barwban!

“Jisun Pitor, Jakub do a buhang Jon a d’ong ansa-an ansale bo langka bwrban urungetnji. Do aninji a temang lingan Anin a d’ongan a taramtam bandale” (Mattiu 17:1-2)

Kan ambrij, dile a bara-lingan; buten biuten ate aboi idol-mar gamle baratenji. Bindo engale marangte, koti-lingan ateng mandranji dakuteji. Kun ambrij, onla maranji saring, asui mandranji sattang ardutaiji Kitungan batte baruban.

Do kan a mandranji amangban, Kitungan yagi mandranji a d’ong sedale do lanangkaban abaruban banandan abmele urungle. Pitor, Jakub do Jon kan a hanangna maranji. Amben arabangle po? Kitungan gamle, “Ayengan a mandranji d’ong-hen timyimteji aninji a d’ong hen timyimtai, bar ayengan a mandranji d’ong-hen sanilsaijteji aninji d’ong-hen rabangtihji” (Bangsa Hanang 8:17). Kitunglen barij tanimyiman batte, bindo Anin janang tordong ayam a tanimyiman!

Kitungan kun yagi a hanangna maranji urungle, along-s’ingan, angante Jairus a dangardi-onan urunglai akahid. Bibolan gamte, “Bar aninji Anin a d’ong gabroile m’angleji. Bindo Anin kuddubanji amdungan amdungle passijan a u’an a yangan bar Anin ampara a dakulen a mandranji a d’ong urungeten. Do uante passijan dakule tetten ganleji” (Mark 5:40). Kan kun yagi a hanangna maranjina batte, Kitungan danukan do barij arasudan batte (Mattiu 26:37). Amben janang arabangben dete janardin do tanimyiman Kitungan Jisu Kristun.

Kan yagi hanangna maranji Kitungan batte lanangka baruban yirleji; do Anin a d’onganji bandaeten. A mukkan uyungan ambrij puangle, do a sindrin palu dele ta’naran ambrij. Do Mojes do Eliya absuidamle amangbanji, Kitungan batte arbertenji ate.

Hanangna maranji kun baruban kan ambrij gijleji. Pitor agaja adnogandiad iten dete orde itja lanangkaban adaiben do barijloge ahangben banangsan. Anin gamle tette tambu-s’ingan a gabdilben. “Pitor Jisun a d’ong jalangle opungeten, E Gamang, tedne dakunaben anlen apsele bangsa daku. Bogad Aman itsumlenden Aman apsele aboi, Mojes apsele aboi, do Eliyan apsele aboi, ednegoi yagi tambusingan anlen a sabjatai” (Mattiu 17:4).

Nami janang, janggarda-lingan marangteji awrloge, tarangdiban lulunan abmele tambus’ingan gabdilteji. Aninji asui a Janggardadage a mandrengna batte m’oihtenji. Aninji gabdileteji tambus’ingan a sarebas’ingan, tambus’ingan abmele do aninjidamanji abmele absuidamnaben asan. Bindo Kitungan d’ongben gudingte a marangben abmele.

Kun a baruban a banandan, dalgaddageted, barij bangsadage ate. Bindo kan a kaddabdongne tarangdigodban lanagka Janggardadageban. Kan abmele d’ongben ganudingan adead asui ayam abmele. Amben agangaja a kaddabdongnne Janggardadage a mandrengnaban a marangben banandan adean sikoija Kitungan Jisu Kristun do abmainale dile ayam abmele.

Okiy Kinolbe absele: “Anin a opunglen adnang bo t’ardam taruban aninji a d’ong luble, do a taruban saring bo sarrangan gameten, Kanate tanimyim On-Hen, Anin amang lingan m’oihdatih. Anin a bernan amdangba” (Mattiu 17:5).