Oct 19 – Miggal Manranji a d’ong Taniytiyan!

“Anta saring Jisun a miggal hanangna maranji a d’ong adamban gudingle, er marid kulmanji a gongben asan, do dile rugaman bar dile banzmbzman absamangben asan ranaptin tiyetenji” (Mattiu 10:1)

Miggal hanangna maranji Jisu yirai taniytiyan a hangben asan, ranadun do dane. Do Kitungan appaile a d’onganji bzmbzm-maran a d’ong absamangben, mutta maran a d’ong abbangsaben, karahidan saring mandrengnaban abyarben, do er marid janggardanji agonben.

Ateng Kristu maranji Janggardan a taniytiyan saiteji, aboi handramdage ambrij. Iten amben a ogandite a O’nan abmele butente adsaijad a U’an a bzten a daneben abmele? Aninji adgalamadji uan daku kan a bzten!

Bibolan gamte, “Bindo e buhanganji, Janggar- dadage taniytiyanji abmele yante gamle amben er galam dete, antate itsum-hen ted” (1 Koritianji 12:1). Ateng taniytiyanji daku, bindo Janggardan. Atam-baran ambrij, bindo Kitungan. Do dile baran ambrij, bindo kanin a Kitung butente barten dile baranji abmele.

“Bindo dile mandran a dong Janggardan a panemeng ranaptin banangsan asan taniyan daku. Iten asan gamlenden Janggardan bo mandran a dong rbanuddiberan taniyan daku, bar kun a .Janggardan a tam hanangan ambrij bzgarda mandran a dong ganalam- beran, kun a Janggardan batte bo- bzgardamandranva dong dernah, do kun a Janggardan batte bobzgarda mandran a dong anabsamang taniytiyanji, bar bo bzgarda mandran a dong rubmang ranapti baran, bo bzgarda mandran a dong tungmadgij baran, bo bzgarda mandran a dong j anggardanji a anabmad :ranaptin, bo bzgarda mandran a _ dorig bzgarda janab sarrangan .anopung ranaptin, do bo bzgarda mandran a.- dong bzgarda sarrangan bananda ranaptin taniyan daku” (1 Korintianji 12:7-10).

Kitungan dakule kuddub Janggardadage a taniytiyanji anlen abmele. Danalgadben dakute pedde j’e-ling-ben, do anualan Kitungan Janggardadage a taniytiyan tiylangte orde itja gamle, butente barij pintu lumle do adyarj’elen. Bindo bibolan gamte, “E GAMANG Kitung, Aman lanangkaban daijan daile koijo maranji koijodage abanjengle, mandranji saring, u u, manedde maranji saring taniytiyanji hangle, yante gamle Aman tetten rapti basute” (Sanenken 68:18). Ayengan a mandranji pintun saring yarlenaiji a d’onganji dam Janggardadage a taniytiyan tiyte.

Amben a itsumben dete Elisaiya Janggardadage a taniytiyan saile. Anin oalle Eliya a d’ong, a janggardan ted do a ranadun, bindo Janggardadage a taniytiyan bagu-tardin garle. Anin kuddub umdrengle anin eliya a d’ong garle, do itejanang akubben engajanang a tangoran a hanaben abmele oskaidam dakule. Do a tanakud-lingan, hangle bagu-tarding Janggardadage a taniytiyan. Tanahimdam Kitungan a onagji, nami barij ordaran saite rumangan do banangsan. Janggardadage a taniytiyben a hangdramte po, handramle ateng mandranji a d’ong urunggaiba Kitungan amangban?

Okiy Kinolbe absele: “Yante gamle Kitungan Najarita Jisun a d’Ong Marid Janggardan do ranaptin batte absardiagodle tabngijeten. Bar Jisun bangsa bangsa lanuman lumle, duaih suman batte anabasudan a delen a kuddub mandranji a d’ong .absamangroi gorj ang gorjang endungeten. Iten asan gamlenden Kitungan Anin ampara dakuneten” (Anappai 10:38).