Oct 17 – PANCH HAZAR JUN THAKISHE DRISHTI!

Joel 2:28, “apuni laga bura manu khan sapna pabo; apuni laga jawan manu khan dikhibo drishti.”

Bishi bhir laga majete, tate panch hazar manu thakishe jun isor Jisu Krista logote usor hoishe aru hunishe Tai laga kotha khan ke. Aru utu pancha hazar manu laga majete, itukhali panch sau manu thakishe ,jundrishti dikhishe Isor laga. Aru apuni utu group te  ase jun agh barhi she pabole utu Isor laga drishti ke?

Ami khan lagadrishti nathakile,manu khan alag phine jabo aru nichete giribo. Hoi apuni khan thakibo lage drishti – prathana laga, atma jitibole laga Krista karone, mantralay karone, hoidai din karone aru sobse umpor, Isor karone. Tini hoile, ki apuni prathana koribo bhari mon loi kene, thakibo revival apuni laga mantralay te, thakibi bhorta dhan atma laga Isor laga rajyo nimite, aru usor rishta Isor logote. Hilibi uncha pora uncha apuni laga atma laga jibon te, utu drishti ke pabole Isor pora.

Itu drishti paishe Isaiah pora juntu barhai dishe taike ekta dangor nabi hobole. Jitya raja uzzaiah morishe, tai rukhishe Isor laga maujudgi te aru rukhishe dikhai dibole un  pora agla raja hobo. Aru Isor pora dishe taike drishti. Poila, tai janishe kun Isor ase. Dusra, tai janishe tai nijor ke aru tai ki ase. Tai kandishe duukh te aru koishe, “dukh ase amike, kilekoile ami honai! Kilekoile ami manu aase letra mukh laga”. Utu drishti pora, tai sapha hoishe aru barhi jaishe ekta tagot thaka nabi nishina.

Uphar drishti laga tu bisi zaroori ase janibole tai khan ke jun khan ami khan usorte prathana koribole ahe, dibole tai khan ke samasya laga hal ke, tai khan ke utsah dibole swikar koribole tai khan  laga pap ke Isor ke aru milabole tai khan ke Isor logote. Isor pora koi, “hunibi itya ami laga kotha: judi kunuba nabia se apuni khan laga majete, Ami, Isor, janabo nijor ke taike drishti te; Ami kotha koribo taike sapna  te” (Numbers 12:6).

Isor pora dishe drishti chela paul ke Damascus laga rasta te. Utu drishti pora dishe taike tagot polabole thik pora Isor laga rasta te, tai laga jibon laga hodai din te. Tai laga mantralay laga ses te bi, jitya tai khara korishe raja Agrippa  laga agete, itu drishti hi  thakishe juntu dishe tai khan bhoi nakoribole kobole ki tai kotha namana nai swarg laga dristi ke (Acts 26:19).

Isor pora bishi naukar khan ke matishe drishti pora hi. Isor pora Abraham ke matishe drishti pora (genesis 15:1). Isor ulaishe Isaac aru Jacob laga gate (genesis 26:2, Genesis 35:1). Tai matishe moses ke tai usorte jhar laga maje pora (Exodus 3:4). Tai ulaishe drishti te nabi balaam laga agete (Numbers 24:4). Aru ulaishe Gideon laga agete (judges 6:12)

Isor laga bacha khan, apuni khan hosa bi drishti thakibo lage Isor laga. Pauni khan ekta sapha aru thik drishti koribo lage. Itu hosa ase ki drishti nathakile, manu khan khotom hoi jai. Isor jun ulaishe panch sau manu laga agete utu din te, eki homoi te, icha kori ase apuni laga agete ahibole aji bi. Itu karone, tayar koribi nijor ke pabole drishti isor laga apuni laga jibon te.

 Aji bhabna koribole laga pobitro kotha tu hoile psalm 89:19 “titya apuni kotha korishe ekta drishti te apuni laga pobitro ke, aru koishe: “ami dishe modot taike jun tagot thaka ase; ami uthaishe tai ke chuni kene manu khan maje pora”.