Oct 14 – PRATHAN ALAGA PAHAR!

Luke 6:12 “itya itu par hoishe utu din khan te ki Tai jaishe paharte prathana koribole, aru narukhi kene pura rati  prathana te Isor logote.

Prathana laga jibon Isor laga, hi mukhya karan thakishe Tai laga shaktishali mantralay laga. Bishi ase jun khan najane itu rahasya ke. Komi prathana te dibo khali iku nathaka apuni laga atma laga jibon te. Bishi homoi bitai diya dhuri kene, lagatar aru utsahi prathana pora anibo achurit tagot apuni  te. Tagot prathana khan zaroori ase mantralay shuru nakur agote aru subh samachar ke prachar nakora agete.

Jisu ulai jaishe pahar te prathana koribole; aru Tai nijor laga homoi bitaishe ekla Isor Baba logote. Paharte, tate iku vivranti nahoile badha nai, aru apuni khan thakibo pare rishta Isor logote, manu khan laga badha nathaki kene. Jitya prathana khan alag homoi te khata thake aru taratari te thake, prathana paharte jabo bishi deri tok. Kilekoile  kunba jun jai paharte prathana koribole, nijor ke tayar orishe lamba prathana koribole.

Pobitro kotha pora, apuni shikkhibo ki Jisu vyabahar korishe prathana koribole paharte itu zaroori ghatn anahua agete. Udharan te, Tai prathana korishe paharte nachuna agete tai laga barota chela khan ke Nijor nimite. Itu hosa ase ki  Tai Isor laga Lora ase aru Tai jane sob saman khan juntu mon khan te ase manu laga. Tinihoile bi, itu zaroori thakishe Tai karone prathana koribole paharte, barohta chela khan ke nachuna agete. Isor laga bacha khan, apuni khan bi nardharan koribo lage apuni khan laga mon te lobule sob zaroori nirnay khan karone apuni laga jibon te, khali ekta narukhi  kene kora prathana logte.

Ami khan laga Isor itu china khan aru acurit khan nakora agete, Tai jai paharte prathana koribole. Pobitro kotha te koi, “jitya Tai niche ahishe prathana kori kene pahar pora, bishi manu khan tai ke piche korishe”.(Matthew 8:1). Jitya Tai niche ahishe, Tai ulaishe Tai laga hath ke aru chuishe ekta kustarog lagi thaka manu ke aru koishe, “Ami icha kori ase; sapha hobi”. Utu homoi hi utu kustorog lagi thaka manu sapha hoishe. Tai changai korishe naukar khan ke centurion laga Tai laga kotha pora. Tai cahangai korishe Peter laga sasu ama ke. Aru Tai achurit kaam kori thakishe.

Pobitro kotha te koi, “aru jitya tai pothaishe bhir ke, Tai upor jaishe paharte nijor pora prathana koribole. Jitya sham ahishe, Tai ekla thakishe tate” (Matthew 14:23). Tai manu khan ke tai khan laga zaroorat ke napungcha agete, Tai paharte jaishe bhorta hobole Isor laga shakti logote. Aru china khan dikha aru achurit khan kora pichete aru manu khan ke tai khan laga zaroorat pura kora pichete, Tai aru bi jaishe paharte dhonyabad dibole Baba Isor ke aru Taike mahima dibole.

Isor laga bacha khan, Isor mati ase apuni ke morom pora, “ahibole uporte”. Tai khushi panai apuni ke sabole giribole iku tagot nathaki kene. Ki kam ase jitya manu khan jun ahe apuni logote tai khan laga samasya loi kene – judi tai khan itu laga jawab napai kene jai? Apuni khan kitya bi naharibo lage apuni laga mantralay te. Isor mati ase apuni ke upor ahibole, apunike jolabole jui pora Atma laga aru dibole apuni ke tagot laga uphar khan. Jabi uporte paharte, thakibi maujudgite Isor laga, aru uthabi apuni laga awaz prathan te. Itu pora hi rasta dibo achurit shakti nimite berabole apuni laga mantralay te.

Aji bhabna koribole laga pobitro kotha tu hoile exodus 17:9 “kali Ami khara koribo upor paharte ekta lathi loi kene Isor laga ami laga hath te.”