Oct 13 – PAHAR JOLPHAI LAGA!

Matthew 24:3 “itya Tai  bohishe Jolphai laga paharte, chela khan lukai kene ahe Tai usorte, itu koi kene, “kobi ami khan ke, kitya itu saman khan hobo?  Aru ki china khan hobo apuni ahate, aru itu jug laga ses ke?

Jolphai pahar tu bishi prashanshit ase sob pahar khan majete Israel te, aru manu khan utu pahar bishi bhal lage.tai laga unchain tu hoi 2 hazar 7 sau feet ase aru 1 square mile tak dangor ase. Pura pahar hi jolphai gash  logote bhorta ase aru itu pora hi bishi modot kore tate thakamanu khanke pet palibole. Utu jag ate jaa homoi te, apuni khan  dikhibo bishi guti khan tel ulabole jolphai gash pora.

Jisu bishi baar jai thake jolphai paharte, prathana koribole. Tate hi Gethsemane laga bagh tu ase. Apuni khan dikhibo ki pahar jolphai laaga east laga phine Jerusalem laga aru northwest phine brrok Kidron ke. Tai bethania tok, juntu east phane ase Jerusalem laga. Itu jolphai pahar laga rasta te, Jisu thakishe ekta niji kotha korishe Tai laga chela khan logote. Ami khan pore sob hosa khan juntu Tai koishe Jolphai laga pahar pora, matthew 24, Luke 21 aru mark 13 adhayay te.

ki Isorke tate pora swarg te loi jaishe. Jitya chela khan saishe, Tai ke upor loi jasihe, aru badal pora taike taikhan laga nanzar pora loi jaishe. Achanak itu pichete duth khan Isor laga ulaishe aru koishe chela khan ke “manu khan galilee laga, kile apuni khara kori ase sai kene upor swarg te? Itu iki Jisu, junk e loi jaishe uporte swargte, inika hi ahibo iki nishina jinika apuni dikhishe Tai ke jabole swag rte” (Acts 1:11).

Christianity tu hoile bone biswas te. Kilekoile Isor uthishe mora pora, ami khan akha ase uthibole ami khan te. Kilekoile ami khan laga Isor uthise aru jaishe swargte, ami khan akha ase ki Tai aru bi ahibo. Sobse zaroori aha din laga ghatna  iku bi nahoi hoilbi Iso Jisu Krista aha laga ase.

Jitya Isor Jisu ahibo, tai jabo jolphai laga pahrte. Pobitro kotha te koi, “aru utu din te Tai laga theng khara hobo jolphai laga paharte, juntu Jerusalem ke east phine pora sabo. Aru jolphai laga pahar duita te bhag hobo, east pora loi kene west tok, bonai kene ekta dangor ghati te; adha pahar hilibo north phine aru adha south phine.” (zechariah 14:4).

Isor laga bacha khan, anibi apuni laga mon te jolphai laga pahar ke. Pobitro kotha te koi sabi Isor ke akha kori narukhi kene! Aru tayar koribi nijor ke lok koribole Isor ke Tai aha homoi te. Hobole dibi apuni laga atma, mon aru gau bachai kene iku iljam nalagi kene utu din tok!

Aji bhabna koribole laga pobitro kotha tu hoile Zechariah 14:5 “toh, Isor ami laga prabhu ahibi, aru sob pondit khan apuni logote”