Oct 07 – Libanon a Barun!

“Roitad maranji sindi nedanji ambrij r’ale j’oteji aninji Libanon a eros aran ambrij marangteji” (Sanenken 92:12)

Libanon a barun bomurdadage a darakuna bibol-lingan. ‘Libanon’ gamlenden j’e-ling-len pangtai barij bangsa man’oihan Kitung-lingan. ‘Libanon’ gamlenden Marid, mardir do palu.

Angante Solomon gabdile Kitungan a sarebasingan, anin saile Libanon saring abaramaranji. Libanon amandranji radudam do  ranaptidam dakuleji. Hiram, Libanon a rajan dakule do Solomon a gardin dakule, Kitungan a singan abmele Kedaranji appaile.

Libanon a desan Israelanji batte mailen dakulenji. Do nami janang, Libanon a barun bo bangsa do jandrumdage a deten a barun. Raja Solomon bo bangsa Libanon do kun abmele bo Solomon a Kanznan. Anlen kznoltabe bibol-lingan “Libanon lingan aranji, Solomon Rajan gabdile nebanji abmele” (Solomon a Kanin 3:9).

Libanon a barun gadlamte bo bangsa anadmainan sidrungbojan do ranukun do sidrungbojan Kitunglen Jisun Kristun, bo langkaban. O’o, yang abanangsa anablun Kitungan batte amaitenben adnang, man’oihan a j’en, ruangan-lingan!

Bibolan gamte: “E sidrungboi-hen, Libanon barunji saring hen ampara yerai; Libanon saring hen ampara yerai. Amana mutti-bwran saring, Senir do Ermon barunji saring, singokidanji a lungaran saring do garharding-kidanji a barunji saring gijgija. E langgiboi-hen, asingdangan ambrij usaltam-namji saring ranagalan jatadte do adangdan al’ang-nam a jaitan daku. Sindri-namji a sanaruman Libanon a sanaruman ambrij. Aman kuttan a dungdamdan, mandrengnan a gailungdan, do Libanon saring pele yertaian a sanna alonji” (Solomon a Kanzn 4:8, 11, 15).

Amben sattang abmaine Kitungan a tanimhim-tarub-lingan, bindo amben janang adakuten Kristun batte, ajar ajar aminum abmele. Ordardage Libanon daku do Janggardadage a Libanon janang daku.

Bibolan gamte: “Antate ateng radte do man’oihan do erdikan batte kente; Libanon a ganugun do Karmel do Saron a lananggan kan desan a d’ong taniyan dete. Aninji GAMANGtungan a ganugun do Kitung-len a lananggan gijteji” (Jisaiya 35:2). Tanahimdam Kitungan a onagji, Janggardadage a man’oihan saiba Kitung-lingan!

Okiy Kinolbe absele: “Libanon a ganuguntuk me mangba-nam yertai; debodaru, tidor do tasur neban maian mailen marid darakuna-Hen ablanggaben asan yertaiji, bar j’eng-Hen a darakunan Hen abgugutai” (Jisaiya 60:13).