Oct 08 – Sion a Barun!

“Angante Gamangtungan Sion bargutulte, seletten Anin a ganugu lingan apsuidamten” (Sanenken 102:16)

Sion a barun aboi Jirusalem a tanub. Kan ate Jibusitedanji a s’i-lingan daku. Kan Sion a barun radudam do ranabrabdam. Josua, orde Banitsara-mareanji orde Sol Israel a Raja bakurdi mihunm sikoija, kun ate anin adaneben dele. Bindo Daudo kun abmele anin radu anogalan pangle Sion a barun abmele. A tiki ganudingan dele Daudo a garden (2 Samuel 5:7,9).

‘Sion a Barun’ gamlenden Uyungan a tarban. Bo surda beran daku kun tarban-abmele, engale kun tarban dile torong gijgijte uyungan a d’ong. Tarban uyungan ambrij gijtate do uyungan amangban yeryeren dakuten. Kun ambrij, Kitungan a mandranji Jisun Kristun amangban agijgijben dete uyungan a ranoitadan ambrij.

Kan ambrij unji Janggardadage bernanji daku Sion a barun abmele. Aparamangtan-lingan, engale anidolan dele Israelanji abmele Daudo a garden (2 Samuel 5:7). Raja Daudo Kun amanengban gutulle. Kun ayam-lingan lanangkaban tanangle do Jirusalem lingan kan ambrij. Angante Solomon gutulle Kitungan a s’ingan, unji barun abmainale; Sion, Moriya, Akra do Bejeta.

Anab-bagu-lingan, anappai Pol gamle, “Bindo amben Sion bwran, am’eng Kitungan a gardan, ruangdage Jimsalemban, do kuduai kuduai mang pisirdianji amangban…” (Ebri 12:22). Sion a barun aboi sanengsenglen ambrij gadlamte dile Kitungan a onanji abmele.

Anab-yagi-lingan, anlen kinoltabe Sion a barun abmele Ruangan-lingan (Anabpungge 14:1). Anlen janang kinoltabe “Sion abariban, banangsan do lananggen, Kitungan puangte (Sanenken 50:2). Sion Kitunglen abarsusingan. Oante-janang Tabme ruangan abmele, tabme ordaran do tabme Jirusalem, arabangte barijloge Sion a barun abmele.

Anab-unji-lingan, ranukkunji itente Kitungan Anindaman gutulle, gamteji Sion. Bibolan gamte, “Angante Gamangtungan Sion bargutulte, seletten Anin a ganugu lingan apsuidamten” (Sanenken 102:16). Kan a ranukkun na, itente Kitungan Jisu Kristun akune-arengan do ganaijitalan, gunutulan dele anappai maranji a garberan batte, tumadgijmaranji do Kitungan a ganangkil baran alumtenji a mandranji batte.

Tanahimdam Kitungan a onagji, Kitungan d’ongben gudingte kun saring. Barij tanimyiman batte Anin gamte, Anin yirtai do abrukkutalen, aten asan anlen Anin ampara adakunaben dete. Anlen Anin adayarna atuyalen asan, oskaidamnaban Anin adayarnan abmele!

Okiy Kinolbe absele: “GAMANGtungan Sion saring d’ong-nam absittate, do aman a mandrengmadta ayam lingan Jirusalem a banangsan gijte” (Sanenken 128:5).