Oct 05 – Sinai a Barun!

“Bar aman rayzl tagaldan oskaina, do kun tagaldan adnang Sinai baruban daile yerai do a muttibwrban, adamba-Hen arduai” (Hanagod 34:2)

Angante Kitungan oblingle Sinai a barun abmele, aparamangtan ayam, Anin gamle, “Ante saring Kitungan jalangle gameten, Hen aman ampara dakutenai, bar Hen d’ong-nam appailam, Kun arabmadan galamte, manan, Misor saring kan mandranji a d’ong amdungle urunglaian a tiki amben kan a baru lingan Kitungan a d’ong gangkilte” (Hanagod 3:12).

Sinai a Barun sanensenan a darakuna. Angante Kitungan Israel maranji a d’ong boantas’ingan saring amdungle, Janggardan do Janardin batte agankilben asan.

Anablun ayangben asan, Kitung-lingan m’oihlen agankilben dete. Engale amben asenkendrate, Kitungan a tanurdun yirtai mangbaben. Bar Kitungan hiytai-dakune sanenkendra-lingan, tanimyiman batte yirtai do basute manglingben.

J’e ganingan kun amanengan Israel amandranji, mailen Kitungan a d’ong gankilleji. Angante Paro do a sanu maranji kun ganinglingan galuleji, aninji man’oihan batte abgugule senkendraleji do gamleji: “Kinba Kitungan amangban, Anin ablu’aiten gugudage! Sanu kurtanji do kuddub amandranji abs’idle!”

Anlen kinolle raptitabe a kaninkinanji do asanensenanji Hanagod kamb’ol-lingan, 15 a surda lingan. Yangam amben adgankile Kitungan a d’ong kuddub danusanji tabmadle, kuddub erbangsanji abs’idle, do ablulaben asangem maran amang saring do anuran tiylaben?

Miriam, a tonan Aaron, unjikurdi mihnum dakule. “Ante saring Aron a tonan, tungmadgijboi Moriyom, a s’i lingan yaragge-dingan pangeten do kuddub insalonji ettegoi na yaragge-dingan pangle tongle tongle Moriyom a d’ong sandungle” (Hanagod 15:20).

Angante aninji Sinai a barun arduleji, a sanensenanji enengoi dakluben dakule. Aninji Manna a jumlenji ayam, itente ruangan saring ate, dile dinna anabhanan deleji tartub sunan do togi sunan batte. Do aninji radu deleji do marangleji. Nami janang Sinai a barun gudingbenten. Amben ayirben dete do Kitungan a d’ong abguguben dete.

Sinai a Baru lingan, Kitungan amben ampara anabmaina, do anoisaij beran atiyben. Mojes hangle anoij beran do galji anosaij beran Israel maranji abmele. Anin am’oihnaben dakule kinkinan kinle, abgugule do senkendrale bakurdi dinna sikoija.

Bar angante Mojes yirai Sinai a Barun saring Kitungan a barun, amukkan puangle. Barij puangle amukkan Israel maranji giyle adraptiadji “Ante saring Mojes a mukkan t’artenate Israel maranji gijleji. Ante saring Mojes GAMANGtungan ampara arberben asan dajing ayam sikkoi ja alungsingban agganad, dijte ayam sikkoi ja a mukka-danangkaban yzmneten” (Hanagod 34:35). Tanahimdam Kitungan a onagji, angante amben a yirte Sinai a baruban asenkendraben asan Kitungan a d’ong, mukaben do mandrengnaben bandaten.

Okiy Kinolbe absele: “Kan a mandranji a d’ong Hendaman apsele gabdelai, yante gamle aninji sanenkendra-Hen abpemengteji.” (Jisaiya 43:21).