Oct 03 – Moriya a Barun!

“Moriya desaban iya, do kun a desa lingan ayengan a barun apsuitam, kuni barun a langka anin a d’ong sanoi-kanubge kuba” (Aparamangtan 22:2)

Kitungan absuile Moriya a barun, do Abraam a d’ong gamle a onan Isak a d’ong akubben. Kan ate bangsale Kitungan abernan Moriya a barun abmele: ‘Tangdamnaba ambendaman arkadanglingan’. Amben surpidamlen abm’oihben dete kanuban batte. Amben a surpidben dete barij d’ongan, bitiben do ganuguben engale Kitungan akanuban ambrij. Kun sattang atangoran Kitungan anabsittan ahangben.

Abraam, Kitungan a berna manele, do a onan a d’ong akubben abmele oskaile, engale a meng-kanuban ambrij. Anin manele Kitungan do a berna barijloge. Objongba Kitungan’ a berna, dile baranji a birindan saring do barij surpiddamna batte. Moriya a baruban itente lumle barij aitsuman batte do atangdam-lingan ambrij arkaddang-lingan, bo surda mananen batte.

Bibolan gamte: “Bindo bute bute Kristunate, aninji a d’ongan, a anogiran do magadan ampara, arakaddang lingan kabhidleji” (Galanti 5:24). “Hen Kristun ampara arakaddang lingan kanabhidan delih, dele janang den hen am’engdam. Bindo antate nam saring hen ted, osantan Kristun mang ling-hen dakuan dakulen mandrengnan abhanate. Bar nami d’ong lingan ibente a mandrengnan hen abhanatenai, antate Kitungan a Onan a dernan batte abhanatenai. Anin timyimlih, do hen apsele kubdamneten” (Galanti 2:20).

Ateng mandranji daku Kitungan amang saring anabsittan ahangben. Aninji garberteji sonuman a janggardan dunglen ayirben abmele, kun saring anuran ahangben, do bimbiman saring sanamangan ahangben. Bindo aninji daman agaja adsurpidamneji marid mandrengna a mengben abmele. Aninji daman adtiydamneji arakadangban.

“d’ong-benji am’eng kanubge, mariddam, bar Kitungan apsele tungna-jana, gamle apsuile tiyba” (Romi 12:1). Dile ayam amberndaman surpidamlen, anappai Pol aidole ambrij Galantianji lingan. “Bindo Gamangtung-len Jisu Kristun arakaddangan sadan sadle bar iteja bzgarda garamganlan asan” (Galantinji 6:14). Ameben akubdamnaben dete, barij tiydamna batte Kitungan amangban. Amben jajingante ate agadben dete gardinji. Kan ate aboi arasudage deleja, ajardina amben barijloge anabsittan ahangte.

Abraam tanangle Moriya a baruban do gankelle Kitungan ‘Jioban Jiri’. ‘Jioban Jiri’ gamlenden, ‘Kitungan tiylangten; engale gamle kun a dinnan saring, “Kitungan abarun saring taniyan dete”. Kun ate Jirusalem, kunina a barun, Solomon gabdile gugudage Kitungan a sing abmele (2 Birinda 3:1). Tanahimdam Kitungan a onagji, abaturnaben asan yiraiba ambendaman arakadangban. Do d’onglingben barij adeben dete Moriya a baru saring ayirtaihen anabsittan!

Okiy Kinolbe absele: “Anten asan, e buhanganjil Kitungan anabasuyeman asan hen garbertaben do, d’ong-benji am’eng kanubge, mariddam, bar Kitungan apsele tungna-jana, gamle apsuile tiyba. Kanate j’edage sanen- pwr gangkil bara-ben” (Romi 12:1).